ەكٸمنٸڭ ايتۋىنشا, ٶڭٸردە ەكونوميكانىڭ ماڭىزدى سالاسىنىڭ بٸرٸ اۋىل شارۋاشىلىعىندا ٶنٸم كٶلەمٸ 5 جىلدا 2 ەسە ارتىپ, العاش رەت 1 ترلن تەڭگەدەن استى (2018 ج. 544,3 ملرد تەڭگە). اگروٶنەركەسٸپ كەشەنٸنە جالپى 336 ملرد. تەڭگە ينۆەستيتسييا تارتىلعان.
سالادا جاڭا تەحنولوگييالار كەڭٸنەن قولدانۋدا. قارقىندى باۋ كٶلەمٸ بيىل 5405 گەكتارعا جەتكٸزٸلەدٸ. نەتيجەسٸندە ٶنٸمدٸلٸك 5 ەسەگە ارتىپ, 300-350 تسەنتنەرگە دەيٸن ٶنٸم جينالادى.
سۋ ٷنەمدەۋ تەحنولوگيياسى 28 763 گەكتارعا, «بٸر القاپتان جىلىنا 2-3 ٶنٸم الۋ» جوباسى 9303 گەكتارعا ەندٸرٸلدٸ. اتالعان تەسٸل, اعىن سۋدى 2 ەسە ٷنەمدەۋگە, ٶنٸمدٸلٸكتٸ 3 ەسەگە دەيٸن ارتتىرۋعا مٷمكٸندٸك بەرەدٸ.
2027 جىلعا دەيٸن 500 گەكتارعا جاڭا جىلىجاي سالۋ جوسپارلانۋدا.
ەگٸستٸكتٸ ەرتاراپتاندىرۋدىڭ نەتيجەسٸندە 3 ملن توننا كٶكٶنٸس, باقشا, كارتوپ ٶنٸمدەرٸ جينالدى.
نارىقتى وتاندىق ٶنٸمدەرمەن قامتاماسىز ەتۋ ماقساتىندا بيىل 60 جوبانى ٸسكە اسىرۋ جوسپارلانسا (قۇنى 54 ملرد تەڭگە, 1 318 جۇمىس ورنى), بٷگٸنگٸ تاڭعا 16-سى ٸسكە قوسىلعان.
