Ákimniń aitýynsha, óńirde ekonomikanyń mańyzdy salasynyń biri aýyl sharýashylyǵynda ónim kólemi 5 jylda 2 ese artyp, alǵash ret 1 trln teńgeden asty (2018 j. 544,3 mlrd teńge). Agroónerkásip keshenine jalpy 336 mlrd. teńge investitsiia tartylǵan.
Salada jańa tehnologiialar keńinen qoldanýda. Qarqyndy baý kólemi biyl 5405 gektarǵa jetkiziledi. Nátijesinde ónimdilik 5 esege artyp, 300-350 tsentnerge deiin ónim jinalady.
Sý únemdeý tehnologiiasy 28 763 gektarǵa, «Bir alqaptan jylyna 2-3 ónim alý» jobasy 9303 gektarǵa endirildi. Atalǵan tásil, aǵyn sýdy 2 ese únemdeýge, ónimdilikti 3 esege deiin arttyrýǵa múmkindik beredi.
2027 jylǵa deiin 500 gektarǵa jańa jylyjai salý josparlanýda.
Egistikti ártaraptandyrýdyń nátijesinde 3 mln tonna kókónis, baqsha, kartop ónimderi jinaldy.
Naryqty otandyq ónimdermen qamtamasyz etý maqsatynda biyl 60 jobany iske asyrý josparlansa (quny 54 mlrd teńge, 1 318 jumys orny), búgingi tańǵa 16-sy iske qosylǵan.
