تٷركٸستان وبلىسىندا تاڭعى جەتٸدە باستالعان توي توقتاتىلدى (ۆيدەو)
تٷركٸستان وبلىسىندا تاڭعى جەتٸدە باستالعان تويدى مونيتورينگ توپ تارقاتتى. قىزىن ۇزاتپاق بولعان اۋىل تۇرعىنى ٷيٸنٸڭ اۋلاسىنا 150 ادام جيناپ العان ەكەن.
ٷي يەسٸ مەن ۇيقىدان تۇرا سالا تويعا كەلگەن قوناقتارعا ٸرٸ مٶلشەردە ايىپپۇل سالىندى.
ال وقيعا قارابۇلاق اۋىلىندا بولعان.
تاڭعى جەتٸدە قىزىن ۇزاتقىسى كەلگەن اۋىل تۇرعىنى اۋلاسىنا 150 ادامعا داستارحان جايىپ قويىپتى. قارابۇلاق تۇرعىنىنىڭ قۋلىعى مونيتورينگ توبىنىڭ قۇلاعىنا جەتكەن.
توي يەسٸن اۋلاسىن اينالا قورشاعان بيٸك قورشاۋ دا قۇتقارا المادى.
موبيلدٸك توپ تٶبەدەن درون ۇشىرىپ, ۇيقىدان تۇرا سالىپ, تويعا جينالعان حالىقتى تاماق ٸشٸپ وتىرعان جەرٸنەن تٷسٸرٸپ الدى.
جەگەنٸ جەلكەسٸنەن شىققان قۇدالار سارقىتتىڭ ورنىنا ايىپپۇل ارقالاپ قايتتى.
https://www.youtube.com/watch?v=RNIQXkDIdj0
https://dalanews.kz/aimak/66101-ar-restorannyng-aldyna-bir-bir-policey
