Túrkistan oblysynda tańǵy jetide bastalǵan toi toqtatyldy (video)
Túrkistan oblysynda tańǵy jetide bastalǵan toidy monitoring top tarqatty. Qyzyn uzatpaq bolǵan aýyl turǵyny úiiniń aýlasyna 150 adam jinap alǵan eken.
Úi iesi men uiqydan tura sala toiǵa kelgen qonaqtarǵa iri mólsherde aiyppul salyndy.
Al oqiǵa Qarabulaq aýylynda bolǵan.
Tańǵy jetide qyzyn uzatqysy kelgen aýyl turǵyny aýlasyna 150 adamǵa dastarhan jaiyp qoiypty. Qarabulaq turǵynynyń qýlyǵy monitoring tobynyń qulaǵyna jetken.
Toi iesin aýlasyn ainala qorshaǵan biik qorshaý da qutqara almady.
Mobildik top tóbeden dron ushyryp, uiqydan tura salyp, toiǵa jinalǵan halyqty tamaq iship otyrǵan jerinen túsirip aldy.
Jegeni jelkesinen shyqqan qudalar sarqyttyń ornyna aiyppul arqalap qaitty.
https://www.youtube.com/watch?v=RNIQXkDIdj0
https://dalanews.kz/aimak/66101-ar-restorannyng-aldyna-bir-bir-policey
