تۇركىستان وبلىسىنداعى اگروونەركاسىپ كەشەنىنە سيفرلىق تەحنولوگيالاردى قولدانۋ قارقىندى دامىپ كەلەدى. ماسەلەن، وبلىستا زاماناۋي تەحنولوگيالار ەگىن شارۋاشىلىعى مەن مال شارۋاشىلىعىندا ەندىرىلىپ، ونىڭ جەمىسىن بۇگىندە اۋىل شارۋاشىلىعى ماماندارى كورىپ كەلەدى.



بۇگىندە باعباندار وزىق تەحنولوگيانىڭ ناتيجەسىندە 2،8 مىڭ گەكتار جەرگە ەگىلگەن قارقىندى باۋدىڭ ونىمدىلىگى، ءداستۇرلى تاسىلمەن ەگىلگەن 29 مىڭ گەكتار باۋدىڭ ونىمدىلىگىنە قاراعاندا 1،5-2 ەسەگە ارتقانىنا كوز جەتكىزدى. بۇل كەشەگى ەلباسى جولداۋىنىڭ ءۇشىنشى باعىتىندا ايتىلعان  «اقىلدى تەحنولوگيالار» – اگروونەركاسىپ كەشەنىن قارقىندى دامىتۋ تاپسىرماسىنا سايادى.

ال  وڭىردەگى جىلىجايلاردىڭ 70 گەكتارى اۆتوماتتاندىرىلعان. وسىنىڭ ارقاسىندا 1 گەكتارعا شاققانداعى ونىمدىلىك 1 جىلدا 200 توننادان استام قيار مەن 400 تونناعا جۋىق قىزاناق بەرەدى.

بۇدان بولەك، مال شارۋاشىلىعىندا بارلىق مال باسىنىڭ ەسەبى اۆتوماتتاندىرىلىپ وتىر. بۇل شارا، مالداردىڭ قوزعالىسىن جانە بارلىق ۆەتەرينارلىق ءىس-شارالاردى تۇراقتى باقىلاۋعا مۇمكىندىك بەرەدى.

سونىمەن قاتار وبلىستاعى مال شارۋاشىلىعى ءونىمىن ءوندىرۋ مەن وڭدەۋدە جاڭا تەحنولوگيالار بەلسەندى تۇردە قولدانۋدا. مىسالى، ءسۇت ءوندىرىسىن دامىتۋمەن اينالىساتىن «بورتە-ميلكا» ءسۇت تاۋارلى فەرماسى سيىردى ساۋۋدان باستاپ ازىقتاندىرۋ جانە ءسۇتتى ساقتاۋعا دەيىنگى پروسەستى اۆتوماتتاندىرىلعان جۇيە ارقىلى اتقارادى. ءوندىرىستى اۆتوماتتاندىرۋ ناتيجەسىندە كاسىپورىندا 1 سيىردان جىلىنا 7 مىڭ ليترگە دەيىن ءسۇت الىنادى، ال ءداستۇرلى تاسىلمەن ونىمدىلىك 3 مىڭ ءليتردى قۇرايدى.

سونىمەن بىرگە وبلىستاعى 2،7 ملن. باس قۇسىنىڭ 1،2 ميلليونى زاماناۋي اۆتوماتتاندىرىلعان قۇس فەرمالارىندا («شىمكەنت قۇس»، «ورداباسى قۇس») وسىرىلەدى. وندا تاۋىقتاردى قورەكتەندىرۋ، جۇمىرتقا جيناۋ، سويۋ، دايىن ءونىمدى ساقتاۋ مەن سانيتارلىق جۇمىستاردىڭ بارلىعى اۆتوماتتاندىرىلعان جۇيە ارقىلى ىسكە اسىرىلادى. سيفرلىق تەحنولوگيانى قولدانۋدىڭ ناتيجەسىندە قۇس ەتىن ءوندىرۋ 5 ەسەگە دەيىن ارتتى.

ال ەۋروپالىق ستاندارتارعا سايكەس كەلەتىن «سپك حاميت»  2،7 مىڭ توننا وڭدەلگەن بالىق ونىمدەرىن شىعارسا، «اق سانات ينجەنيرينگ» 1 مىڭ توننا ءتىرى بالىق ءوسىردى. بۇل كاسىپورىنداردىڭ ونىمدەرى ەۋروپا مەملەكەتتەرىنە ەكسپورتتالادى. جالپى اۋىل شارۋاشىلىق سالاسىنىڭ ونىمدىلىگىن ارتىرۋ ماقساتىندا زاماناۋي تەحنولوگيالاردى ەندىرۋ جانە ءوندىرۋ مەن وڭدەۋ پروسەسستەرىن اۆتوماتتاندىرۋ جۇمىستارىن ىسكە اسىرۋ جەرگىلىكتى اتقارۋشى بيلىكتىڭ باستى مىندەتتەرىنىڭ ءبىرى بولىپ وتىر.



تۇركىستان وبلىسى اكىمىنىڭ باسپا ءسوز قىزمەتى