تۇركىستان وبلىسىندا رەفەرەندۋم كۇنى تاڭعى 7:00-دەن باستاپ بارلىق قوعامدىق كولىكتەر حالىققا اقىسىز قىزمەت كورسەتىپ جاتىر، – دەپ حابارلايدى Dalanews.kz تۇركىستان وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
ماسەلەن، وبلىس ورتالىعىندا 194 قوعامدىق كولىك قالا تۇرعىندارىن تەگىن تاسىمالداۋدا. جالپى وبلىستا 945 رەفەرەندۋم ۋچاسكەسى ءوز جۇمىسىن باستادى. كەشكى ساعات 20:00-گە دەيىن ازاماتتار داۋىس بەرە الادى.
ايتا كەتەيىك، بۇگىن ەلىمىزدە اەس قۇرىلىسى بويىنشا جالپىحالىقتىق رەفەرەندۋم ءوتىپ جاتىر. رەفەرەندۋم جايىندا مەملەكەت باسشىسى قاسىم-جومارت كەمەل ۇلى 2-قىركۇيەك كۇنى قازاقستان حالقىنا ارنالعان جولداۋىندا مالىمدەگەن بولاتىن.
