وبلىسىمىزدىڭ بارلىق قالا، اۋداندارىندا وتكەن ءىس-شارا اياسىندا ءوڭىر تۇرعىندارىنا قۇقىقتىق كەڭەستەر بەرىلىپ، داۋلاسۋشى تاراپتار مامىلەگە شاقىرىلدى. وسى كۇنى وبلىستىق اسسامبلەيا تۇركىستان قالاسىندا «مەدياسيا – تاتۋلىق باستاۋى» تاقىرىبىندا دوڭگەلەك ۇستەل ۇيىمداستىردى. جيىنعا سوت قىزمەتكەرلەرى جانە كاسىبي مەدياتورلار، مەملەكەتتىك مەكەمە قىزمەتكەرلەرى، ەتنومادەني بىرلەستىك ءتوراعالارى، قوعامدىق كەلىسىم كەڭەسىنىڭ ءتوراعالارى قاتىسىپ، وڭىردە مەدياسيا ءىسىن ىلگەرىلەتۋ جايىن تالقىلادى.
– قازاق حالقى ءۇشىن بىتىمگەرشىلىك – بيلىك ايتۋدىڭ ەڭ وزىق ونەگەسى. بيلەرىمىز كەز كەلگەن داۋدى كەلىسىممەن شەشە بىلگەندىگىن تاريحتان بىلەمىز. بۇگىنگى مەدياسيا – اتا-بابالارىمىزدىڭ مامىلەگەرلىك ءداستۇرىنىڭ جالعاسى دەۋگە بولادى. رەسپۋبليكالىق اكسيا اياسىندا ءوتىپ جاتقان بۇگىنگى ءىس-شارا ەلدىڭ بىرلىگىن نىعايتىپ، قوعامدىق كەلىسىمدى ساقتاۋعا باعىتتالعان، – دەدى جيىندا ءسوز العان، وبلىستىق «قوعامدىق كەلىسىم» كمم جانىنداعى مەدياسيا كابينەتىنىڭ مەڭگەرۋشىسى حاسان باسييەۆ.
ايتا كەتۋ كەرەك، بۇگىندە وبلىستىق قازاقستان حالقى اسسامبلەياسى جانە قالا، اۋدان اكىمدىكتەرى جانىندا 10 مەدياسيا كابينەتى جۇمىس ىستەيدى. وڭىرىمىزدە 67 كاسىبي، 387 كاسىبي ەمەس مەدياتوردىڭ ءتىزىمى جاساقتالىپ، ميدياسيا جەلىسىن دامىتۋ باعىتىندا وسى جىلى 90 ءىس-شارا ۇيىمداستىرىلعان. جىل باسىنان بەرى 1900-دەن استام داۋلار مەدياسيا تارتىبىمەن وڭ شەشىمىن تاپقان.
