تۇركىستان وبلىسى كەلەس اۋدانىنا قاراستى قوشقاراتا اۋىلدىق وكرۋگىندە كەلەس وزەنى ارقىلى وتەتىن وبلىستىق ماڭىزى بار كح-20 اۆتوجولىنداعى كوپىر قۇلادى، دەپ حابارلايدى Dalanews.kz
الدىن الا مالىمەتكە سايكەس، كوپىردىڭ ۇزاق جىل بويى پايدالانىلعاندىقتىن جانە تىرەك باعانالارىنىڭ ءتۇبىنىڭ شايىلۋى سالدارىنان ءقاۋىپ تۋىنداعان.
اتالعان جاعدايعا بايلانىستى الدىن الا ءقاۋىپ بەلگىلەرى انىقتالىپ، دەر كەزىندە قابىلدانعان شەشىمدەردىڭ ناتيجەسىندە كوپىر ارقىلى كولىك قوزعالىسى تولىق توقتاتىلعان بولاتىن. سونىڭ ارقاسىندا ادام شىعىنى مەن ماتەريالدىق زالالعا جول بەرىلگەن جوق، – دەلىنگەن اۋدان اكىمدىگى ۇسىنعان اقپاراتتا.
قۇلاعان كوپىر 1970 جىلى سالىنعان ەكەن. الايدا 2010 جىلى ورتاشا جوندەۋ جاسالىپ، ءبىر جىل بۇرىن باعانا تىرەۋلەردى بەتونمەن بەكىتۋ جۇمىستارى جۇزەگە اسقان. ءقازىر كوپىر وپىرىلعان ايماقتان اينالما جول ۇيىمداستىرىلىپ جاتىر دەيدى جەرلىگىكتى اكىمدىك.
