وتكەن جىلى وبلىستىق زووپارازيتولوگيالىق توپ قۇرامدارىمەن بارلىعى 781 ەلدى مەكەندە بارلاۋ جۇمىستارى جۇرگىزىلگەن. سىناما ناتيجەلەرى كورسەتكەندەي جينالعان 62 918 دانا كەنەنىڭ 136-نان كونگو-قىرىم گەموراگيالىق قىزباسى اۋرۋىنىڭ قوزدىرعىشى انىقتالعان. بۇل تۋرالى تۇركىستان وبلىسى سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اقەركە ەركىنبەكوۆا مالىمدەدى،- دەپ حابارلايدى Dalanews.kz
«وبلىستا 2024 جىلى كونگو-قىرىم گەموراگيالىق قىزباسى اۋرۋىنا 11 ادام شالدىققان. ناۋقاستاردىڭ تورتەۋىن كەنە شاققان، التاۋى مال كۇتىمىمەن اينالىسقان، ال بىرەۋى تابيعي وشاقتا ەگىستىكپەن اينالىسقان. اتالعان وشاقتا ەپيدەمياعا قارسى جانە جۇقتىرۋ كوزىن انىقتاۋ ماقساتىندا ەپيدەميولوگيالىق، زوواپارازيتولوگيالىق تەكسەرۋ جۇمىستارى تولىق جۇرگىزىلىپ، قوراجايلار مەن اۋىلشارۋاشىلىق مالدارىنان بارلىعى 3 468 كەنە جينالىپ، 16 سىنامادان اتالعان اۋرۋدىڭ قوزدىرعىشى انىقتالدى. ايتا كەتەيىك، وتكەن جىلى وڭىردە بارلىعى – 1 416 تۇرعىندى كەنە شاعىپ مەديسينالىق ۇيىمدارعا قارالعان. ال بيىلعى جىلدىڭ باسىنان وسى كۇنگە دەيىن اتالمىش اۋرۋدى جۇقتىرعان 1 جاعداي تىركەلىپ وتىر. وبلىس بويىنشا 2025 جىلدىڭ بۇگىنگى كۇنىنە دەيىن بارلىعى 597 ادامدى كەنە شاعىپ، ازاماتتار مەديسينا قىزمەتكەرلەرىنىڭ كومەگىنە جۇگىنگەن»، - دەدى سپيكەر.
ودان بولەك، وبلىس اۋماعىندا ءجىتى ىشەك ينفەكسياسىنىڭ الدىن-الۋ بويىنشا اتقارىلىپ جاتقان جۇمىستار باياندالدى.
«وبلىس بويىنشا 2025 جىلدىڭ 6 ايىندا ءجىتى ىشەك ينفەكسياسىنىڭ ەپيدەميولوگيالىق احۋالى تۇراقتى. بيىلعى جىلدىڭ 6 ايىندا 148 جاعداي تىركەلگەن. 2024 جىلدىڭ سايكەس كەزەڭىمەن سالىستىرعاندا حالىقتىڭ ءجىتى ىشەك ينفەكسيالارى توبىمەن اۋرۋشاڭدىعى 22 جاعدايعا وسكەن»، - دەدى سپيكەر.
