تٷركٸستان وبلىسىندا اقپاراتتىق-ناسيحاتتىق توپ اۋدان, قالالاردى ارالاپ, جولداۋدى تٷسٸنٸدٸرٸپ جٷر
وبلىس ەكٸمٸنٸڭ بٸرٸنٸشٸ ورىنباسارى قايرات نٷكەنوۆ باستاعان توپ وتىرار اۋدانى مەن ارىس, كەنتاۋ جەنە تٷركٸستان قالالارىندا حالىقپەن كەزدەسٸپ, مۇڭ-مۇقتاجىن تىڭدادى. جولداۋداعى ەكونوميكانى, ٶندٸرٸستٸ دامىتۋعا باعىتتالعان تاراۋلارى تۋرالى ەڭگٸمەلەدٸ. ال, تٶلەگەن سەرسەمباەۆ جەتەكشٸلٸك جاساعان اقپاراتتىق-ناسيحاتتىق توپ قازىعۇرت, شاردارا, سارىاعاش اۋداندارىنداعى جۇرتشىلىقپەن جٷزدەسسە, ەربول سادىر باستاعان اقپاراتتىق-ناسيحاتتىق توپ سوزاق, بەيدٸبەك, ورداباسى اۋدانىن ارالاپ, جولداۋدى ناسيحاتتاپ جاتىر.
وبلىس ەكٸمٸنٸڭ ورىنباسارى ەربول تاسجٷرەكوۆ باستاعان اقپاراتتىق-ناسيحاتتىق توپ الدىمەن ماقتاارال اۋدانىنىڭ تۇرعىندارىمەن كەزدەستٸ. جيىندا وبلىس ەكٸمٸنٸڭ ورىنباسارى جولداۋدىڭ جاڭادان قۇرىلعان تٷركٸستان وبلىسىندا كەسٸپكەرلٸك پەن تۋريزمدٸ دامىتۋعا ٷلكەن سەرپٸن بەرەتٸنٸن اتاپ ٶتتٸ. سونداي-اق, سىردارييا ۋنيۆەرسيتەتٸنٸڭ دوتسەنتٸ م.مەيٸربەكوۆ ەلباسى جولداۋىنىڭ تاريحي مەنٸن تەرەڭ تٷسٸندٸرٸپ, ونداعى بٸلٸم سالاسىنا قاتىستى ايتىلعان مەسەلەلەرگە توقتالدى. ماقتاارال اۋدانىنىڭ قارييالارى اتىنان سٶز سٶيلەگەن ارداگەرلەر كەڭەسٸنٸڭ تٶراعاسى س.وڭعاروۆ پەن اۋدان جاستارىنىڭ لەبٸزٸن جەتكٸزگەن ماقتاارال اگروبيزنەس كوللەدجٸنٸڭ ستۋدەنتٸ ۇ.تەڭٸزباي ەلباسى جولداۋىنا قولداۋ كٶرسەتٸپ, ونداعى ايتىلعان تاپسىرمالاردىڭ جەرگٸلٸكتٸ جەردە ورىندالۋى ٷشٸن بٸر جاعادان باس, بٸر جەڭنەن قول شىعارۋ كەرەكتٸگٸن ايتتى. ەندٸ بۇل ناسيحاتتىق توپ كەلەس پەن جەتٸساي اۋداندارىن ارالايدى.
بۇل كەزدەسۋلەردە جولداۋدىڭ نەگٸزگٸ باعىتتارى تٷسٸندٸرٸلٸپ قانا قويماي, اۋدان, قالالارداعى ٶزەكتٸ مەسەلەلەردٸ ساراپتاۋ دا جوسپارلانعان.
تٷركٸستان وبلىسى ەكٸمٸنٸڭ باسپاسٶز قىزمەتٸ
