Oblys ákiminiń birinishi orynbasary Qaırat Núkenov bastaǵan top Otyrar aýdany men Arys, Kentaý jáne Túrkistan qalalarynda halyqpen kezdesip, muń-muqtajyn tyńdady. Joldaýdaǵy ekonomıkany, óndiristi damytýǵa baǵyttalǵan taraýlary týraly áńgimeledi. Al, Tólegen Sársembaev jetekshilik jasaǵan aqparattyq-nasıhattyq top Qazyǵurt, Shardara, Saryaǵash aýdandaryndaǵy jurtshylyqpen júzdesse, Erbol Sadyr bastaǵan aqparattyq-nasıhattyq top Sozaq, Báıdibek, Ordabasy aýdanyn aralap, Joldaýdy nasıhattap jatyr.
Oblys ákiminiń orynbasary Erbol Tasjúrekov bastaǵan aqparattyq-nasıhattyq top aldymen Maqtaaral aýdanynyń turǵyndarymen kezdesti. Jıynda oblys ákiminiń orynbasary Joldaýdyń jańadan qurylǵan Túrkistan oblysynda kásipkerlik pen týrızmdi damytýǵa úlken serpin beretinin atap ótti. Sondaı-aq, Syrdarıa ýnıversıtetiniń dosenti M.Meıirbekov Elbasy Joldaýynyń tarıhı mánin tereń túsindirip, ondaǵy bilim salasyna qatysty aıtylǵan máselelerge toqtaldy. Maqtaaral aýdanynyń qarıalary atynan sóz sóılegen ardagerler keńesiniń tóraǵasy S.Ońǵarov pen aýdan jastarynyń lebizin jetkizgen Maqtaaral agrobıznes kolejiniń stýdenti U.Teńizbaı Elbasy Joldaýyna qoldaý kórsetip, ondaǵy aıtylǵan tapsyrmalardyń jergilikti jerde oryndalýy úshin bir jaǵadan bas, bir jeńnen qol shyǵarý kerektigin aıtty. Endi bul nasıhattyq top Keles pen Jetisaı aýdandaryn aralaıdy.
Bul kezdesýlerde Joldaýdyń negizgi baǵyttary túsindirilip qana qoımaı, aýdan, qalalardaǵy ózekti máselelerdi saraptaý da josparlanǵan.
Túrkistan oblysy ákiminiń baspasóz qyzmeti
