Qajet taksi servisine Qazaqstannyń tsifrlyq kartalary engiziledi

Qajet taksi servisine Qazaqstannyń tsifrlyq kartalary engiziledi
Foto: ida.kz

Qazaqstandyq Qajet taksi servisi aldaǵy ýaqytta otandyq tsifrlyq kartalardy paidalanbaq. Joba arqyly qosymshadaǵy mekenjai izdeý, baǵyt qurý jáne jolaýshy turǵan oryndy anyqtaý júiesin jetildirý kózdelip otyr, dep habarlaidy dalanews.kz.

Jasandy intellekt jáne tsifrlyq damý ministrliginiń málimetinshe, serviske "Ulttyq geodeziia jáne keńistiktik aqparat ortalyǵy" ázirlegen kartalar men geoservister engiziledi.

"Bastama memlekettik tsifrlyq kartalardy bizneste paidalanýǵa jáne Qazaqstannyń tól navigatsiialyq tehnologiialaryn damytýǵa baǵyttalǵan", – dep habarlady ministrlik.

Joba iske assa, júrgizýshi jolaýshy kórsetken mekenjaidy dálirek taýyp, oǵan deiingi qolaily baǵytty jyldam qura alady. Sonymen qatar otandyq kartalardyń kúndelikti jolaýshy tasymaly kezinde qanshalyqty tiimdi jumys isteitini tekseriledi.

Júiege Ulttyq keńistiktik derekter infraqurylymy aiasynda jinalǵan málimetter men Qazgeodeziianyń tsifrlyq kartografiia salasyndaǵy ázirlemeleri negiz bolady.

Qajet-pen áriptestik – Qazaqstannyń jeke tsifrlyq karta jáne navigatsiia júiesin qalyptastyrýǵa baǵyttalǵan qadamdardyń biri. Bolashaqta mundai tehnologiialardy taksi qyzmetterimen qatar, taýar jetkizý servisteri, logistikalyq kompaniialar jáne basqa da tsifrlyq platformalar paidalana alady.