Qazaqstanda balalardy esepke alý jáne mekteptegi álimjettikke qarsy áreket etý talaptary jańartylady. 2026 jylǵy 21 qarashadan bastap sabaqtan negizsiz ári jii qalatyn oqýshylar jónindegi aqparat ishki ister organdarymen salystyrylyp, ai saiyn tolyqtyrylyp otyrady, dep habarlaidy dalanews.kz.
Jańa tártip boiynsha 18 jasqa deiingi balalar týraly málimetter Ulttyq bilim berý bazasyna jinaqtalady. Onda balanyń aty-jóni, JSN-i, týǵan kúni men turǵylyqty mekenjaiy kórsetiledi.
Bazaǵa balabaqsha tárbielenýshileri, mektep oqýshylary, kolledj stýdentteri, bilim alýǵa tartylmaǵan jáne densaýlyǵyna bailanysty oqi almaityn balalar engiziledi. Sabaqqa dáleldi sebepsiz turaqty qatyspaityn oqýshylar da osy tizimde qamtylady. Olar týraly málimet ár aidyń 10-na deiin jańartylýǵa tiis.
Býlling týraly habarlama bir kúnde tirkeledi
Ózgerister mekteptegi álimjettikke qatysty ótinishterdi qaraý tártibin de qamtidy. Jergilikti bilim organdary býlling týraly aqparatty alǵannan keiin ony bir jumys kúni ishinde tirkeýge mindetti.
Mektep jábir kórgen balaǵa psihologiialyq kómek kórsetip, onyń áleýmettik ońalýyna arnalǵan jeke jospar ázirleidi. Álimjettik jasaǵan oqýshymen de bólek jumys júrgizilip, ony ortaǵa beiimdeý sharalary belgilenedi.
Eger mektepishilik esepke alynǵan balanyń minez-qulqynda alty ai boiy oń ózgeris baiqalmasa, jinalǵan materialdar kámeletke tolmaǵandardyń isteri jónindegi komissiiaǵa joldanady.
Ishki ister ministrliginiń Iývenaldy politsiiasy usynǵan málimet boiynsha, jyl basynan beri elde býllingke qatysty 355 jaǵdai anyqtalǵan. Osy derekter boiynsha ata-analar jaýapqa tartylyp, mindetin tiisinshe oryndamaǵan mektep qyzmetkerlerine qatysty tekserýler júrgizilgen.