تۇركىستان وبلىسىندا اگروونەركاسىپ كەشەنىن قولداۋعا ارنالعان بيۋدجەت قاراجاتىن زاڭسىز الۋ دەرەگى بويىنشا ۇكىم شىقتى، دەپ حابارلايدى Dalanews.kz.
وبلىس پروكۋراتۋراسى 2020–2023 جىلدار ارالىعىندا ارەكەت ەتكەن قىلمىستىق سحەمانى اشكەرەلەپ، جولىن كەستى. تەرگەۋ بارىسىندا جوسىقسىز كاسىپكەرلەر ۆەتەريناريالىق باقىلاۋ جۇيەسىندەگى ولقىلىقتاردى پايدالانىپ، مەملەكەتتىك سۋبسيديالاردى زاڭسىز راسىمدەگەنى انىقتالدى.
اتاپ ايتقاندا، كەيبىر شارۋا قوجالىقتارى ءۇشىنشى تۇلعالارعا الدەقاشان ساتىلىپ كەتكەن مال باسى تۋرالى مالىمەتتەردى «اۋىل شارۋاشىلىعى جانۋارلارىن سايكەستەندىرۋ» اقپاراتتىق جۇيەسى ارقىلى كورسەتىپ، سۋبسيديا العان.
مىسالى، «بەرەكە» شارۋا قوجالىعى 440 باس ءىرى قارا مەن 5 088 باس ۇساق مالعا زاڭسىز تۇردە سۋبسيديا راسىمدەگەن.
مەملەكەتكە كەلتىرىلگەن جالپى شىعىن 271 ملن تەڭگە بولدى. بۇل سوما اسا ءىرى مولشەردە دەپ تانىلدى. تەرگەۋدى ارنايى پروكۋرورلار جۇرگىزگەن.
2025 جىلعى 1 قازاندا سوت ءىس بويىنشا بەس ادامعا قاتىستى ايىپتاۋ ۇكىمىن شىعاردى. سوتتالۋشىلار 5 جىلدان 6 جىل 6 ايعا دەيىن باس بوستاندىعىنان ايىرىلدى. سونىمەن قاتار مەملەكەت پايداسىنا 140 ملن تەڭگە ءوندىرىلدى.
تەكسەرۋ ناتيجەسىندە ۆەتەريناريالىق قىزمەت تاراپىنان ءتيىستى باقىلاۋدىڭ بولماعانى دا انىقتالىپ، بۇل جاعداي قىلمىستىڭ جاسالۋىنا ىقپال ەتكەنى اتاپ ءوتىلدى.
قازىرگى ۋاقىتتا پروكۋراتۋرا 300 ملن تەڭگەدەن استام سوماعا قاتىستى ۇقساس جىمقىرۋ دەرەكتەرىن تەرگەپ جاتىر. بۇل ىستەر جاقىن ارادا سوتقا جولدانباق.
