جيىنعا تۇركىستان وبلىسىنىڭ كاسىپكەرلىك جانە يندۋستريالدى-يننوۆاسيالىق دامۋ باسقارماسى جانە كەدەندىك دەكلاراسيانى باقىلاۋ ءبولىمىنىڭ باسشىلارى، سونداي-اق، «Kazakh Export» ەكسپورتتىق ساقتاندىرۋ كومپانياسى» اق، «اتامەكەن» ركپ» اق، «اۋىل شارۋاشىلىعىن قارجىلاي قولداۋ قورى» اكسيونەرلىك قوعامىنىڭ جانە «اگرارلىق نەسيە كورپوراسياسى» اكسيونەرلىك قوعامىنىڭ تۇركىستان اۋدانى بويىنشا ايماقتىق فيليالدارى جانە «وڭتۇستىك» ايو وكىلدەرى قاتىسىپ، ءوز تاراپتارىنان ەسپورتتاۋشى كومپانيالارعا كورسەتەتىن قىزمەتتەرى تۋرالى مالىمدەدى.
ەلىمىزدىڭ ەكونوميكاسىن دامىتۋدا وتاندىق ونىمدەردىڭ ەكسپورتقا شىعۋى جوعارى ماڭىزعا يە ەكەندىگىن تىلگە تيەك ەتكەن ەربول قۋانىش ۇلى كاسىپكەرلەردىڭ ەكسپورتتىق الەۋەتىن كوتەرۋ بويىنشا ارنايى جۇمىس توبى قۇرىلعاندىعىن جەتكىزدى.
– قازىرگى تاڭدا كاسىپكەرلەردىڭ كورشى ەلدەر نارىعىنا كىرۋىنە بەلگىلى توسقاۋىلدار بار. ولار وندىرىستىك كولەمىنىڭ جەتكىلىكسىزدىگى، تاسىمالداۋ ماسەلەلەرىنىڭ جولعا قويىلماعاندىعى نەمەسە كەدەندىك كەدەرگىلەر. مىنە، وسىنداي ماسەلەلەردى شەشۋدە قولداۋ كورسەتىپ، كومپانيانىڭ ەكسپورتقا شىعۋىنا دەيىن سۇيەمەلدەۋ ماقساتىندا ءبىز ارنايى جۇمىس توبىن قۇردىق. جۇمىس توبى «وڭتۇستىك» ايماقتىق ينۆەستيسيالىق ورتالىعىنىڭ ماماندارىنان قۇرالعان، – دەدى وبلىس اكىمىنىڭ ورىنباسارى.
بۇگىنگى تاڭدا تۇركىستان وبلىسى بويىنشا 50 الەۋەتتى ەكسپورتتاۋشى كومپانيا بار. ولار تاۋارلارىن ەۋرووداق ەلدەرىنە، جۇڭگو جانە ورتالىق ازيا ەلدەرىنە ەكسپورتقا شىعارۋدا. الايدا، ەكسپورت كولەمىن ارتتىرىپ، جالپى شەت ەل نارىعىنا شىعۋدا كەدەرگىلەر جوق ەمەس. كەزدەسۋ بارىسىندا كاسىپكەرلەر كەدەندىك راسىمدەۋ پروسەدۋراسىن جەڭىلدەتۋ، ءوندىرىس كولەمىن ارتتىرۋعا قارجىلاي كومەك كورسەتۋ جانە ەكسپورتتىق كەلىسىم-شارتتاردى ساقتاندىرۋ بويىنشا قولداۋ قاجەتتىگىن ايتتى.
اتالعان ماسەلەلەر ءتيىستى سالا ماماندارىنا جۇكتەلىپ، وبلىستىق اكىمدىك تاراپىنان باقىلاۋعا الىناتىن بولدى. جيىن سوڭىندا كاسىپكەرلەر بارلىق دامۋ ينستيتۋتتارىنىڭ باسشىلارىمەن كەزدەسىپ، قاجەتتى اقپاراتتارمەن قامتاماسىز ەتىلدى.
تۇركىستان وبلىسىنىڭ باسپا ءسوز قىزمەتى
