الدىمەن كٶپشٸلٸككە ەلەۋمەتتٸك يدەيالار جەنە جوبالار جەرمەڭكەسٸ ۇسىنىلدى. ٷزدٸك جوبالار تانىستىرىلدى.
ماڭىزدى جيىندا تٷركٸستان وبلىسىنىڭ ەكٸمٸ دارحان ساتىبالدى 40-تان اسا ٷكٸمەتتٸك ەمەس ۇيىمنىڭ باسىن بٸرٸكتٸرگەن «تٷركٸستان وبلىسىنىڭ ازاماتتىق اليانسى» زاڭدى تۇلعالار قاۋىمداستىعىن 20 جىلدىق مەرەكەسٸمەن قۇتتىقتادى. قوعامداعى ٶزەكتٸ مەسەلەلەردٸ شەشۋدە ٷكٸمەتتٸك ەمەس ۇيىمداردىڭ بەلسەندٸلٸگٸن ارتتىرىپ, جۇمىسىن جانداندىرۋ كەرەكتٸگٸن ايتتى.
– تٷركٸستان تٶرٸندەگٸ بۇل ٸس-شارانىڭ ازاماتتىق قوعامدى دامىتۋعا ىقپالى مول دەپ ەسەپتەيمٸن. ٶڭٸردەگٸ ازاماتتىق قوعام ينستيتۋتتارى وتانشىلدىقتىڭ جارقىن ٷلگٸسٸن كٶرسەتٸپ كەلەدٸ. وبلىستاعى ٷكٸمەتتٸك ەمەس ۇيىمداردىڭ سانى 2018 جىلى 400-دەي بولسا, بيىل 611-گە جەتتٸ.
مەملەكەت باسشىسى قاسىم-جومارت كەمەلۇلى ازاماتتىق قوعام ينستيتۋتتارىنا, سونىڭ ٸشٸندە ٷكٸمەتتٸك ەمەس ۇيىمداردىڭ قىزمەتتەرٸنە اسا زور ماڭىز بەرٸپ وتىر. نەتيجەسٸندە جىل سايىن ٷكٸمەتتٸك ەمەس ۇيىمدارعا مەملەكەتتٸك قولداۋ قارجىسىنىڭ كٶلەمٸ ارتا تٷسۋدە.
سونىمەن بٸرگە وبلىستاعى بٸرقاتار ٷكٸمەتتٸك ەمەس ۇيىمدار شەتەلدٸك قورلاردىڭ گرانتتارىن جەڭٸپ, تٷرلٸ باعىتتاردا جۇمىستارىن جٷرگٸزۋدە. وسى جيىندى پايدالانىپ, ٷكٸمەتتٸك ەمەس ۇيىمداردى قوعامداعى اسا ٶزەكتٸ پروبلەمالاردى بٸرگە شەشۋگە شاقىرامىن.
وبلىسىمىزدىڭ نەگٸزگٸ درايۆەرلەرٸ – اۋىل شارۋاشىلىعى, تۋريزم جەنە كەسٸپكەرلٸك. جۇمىسسىزدىق – بٸزدٸڭ ٶڭٸرٸمٸزدٸڭ ەڭ باستى پروبلەماسى. بۇل سالالاردى دامىتۋعا دا قوعامدىق ۇيىمداردىڭ قايراتكەرلٸگٸ قاجەت. سوندىقتان قوعامداعى وسى پروبلەمالاردى شەشۋ باعىتىندا ٷكٸمەتتٸك ەمەس ۇيىمدارىنان تىڭ جوبالار كٷتەمٸز. وعان قولداۋ كٶرسەتٸلەدٸ, – دەگەن دارحان ساتىبالدى ازاماتتىق سەكتوردىڭ بەلسەندٸ ٶكٸلدەرٸن ماراپاتتادى.
جيىندا قر مەدەنيەت جەنە اقپارات ۆيتسە-مينيسترٸنٸڭ مٸندەتٸن اتقارۋشى دانييار قادىروۆ, «قازاقستاننىڭ ازاماتتىق اليانسى» زاڭدى تۇلعالار بٸرلەستٸگٸنٸڭ پرەزيدەنتٸ بانۋ نۇرعازيەۆا جەنە ٶزگە دە ازاماتتار مازمۇندى باياندامالار جاساپ, ەلەۋمەتتٸك يدەيالار مەن جوبالار بايقاۋىنىڭ جەڭٸمپازدارىن ماراپاتتادى.
جيىندى «تٷركٸستان وبلىسىنىڭ ازاماتتىق اليانسى» زاڭدى تۇلعالار قاۋىمداستىعى نىسانىنداعى بٸرلەستٸكتٸڭ تٶرايىمى ينارا نامازباەۆا جٷرگٸزٸپ وتىردى. تٷركٸستان وبلىستىق پوليتسييا دەپارتامەنتٸنٸڭ ەيەلدەردٸ زورلىق-زومبىلىقتان قورعاۋ توبىنىڭ جەتەكشٸسٸ, پوليتسييا پودپولكوۆنيگٸ جانار قالاباەۆا انا مەن بالا قۇقىعىن قورعاۋ, زورلىق-زومبىلىقتىڭ الدىن الۋ باعىتىندا اتقارىلىپ جاتقان جۇمىستاردى باياندادى. فورۋمنىڭ كٷن تەرتٸبٸندە وتباسىلىق جەنە گەندەرلٸك ساياسات مەسەلەلەرٸ قارالدى. ۇسىنىستار بەرٸلٸپ, جوسپارلار جاسالدى.
تٷركٸستان وبلىسىندا 2 ميلليوننان استام حالىق بار. ونىڭ 49,2 پايىزى (1 070 484) – ەيەلدەر. قازٸر وبلىستاعى 6411 مەملەكەتتٸك قىزمەتشٸنٸڭ 1590-ى نەمەسە 24,4 پايىزىن نەزٸكجاندىلار قۇرايدى. ونىڭ ٸشٸندە 256-سى نەمەسە 16 پايىزى باسشىلىق لاۋازىمداردى اتقارىپ وتىر. وبلىس كٶلەمٸندە 155 مىڭنان استام كەسٸپكەر بولسا, ونىڭ 48 مىڭعا جۋىعى – حانىمدار.
ٷكٸمەتتٸك ەمەس ۇيىمدار بٸلٸم, بالالار قۇقىعىن قورعاۋ باعىتىندا جەمٸستٸ ەڭبەك ەتۋدە. 2023 جىلدىڭ سوڭىنا دەيٸن «بەستەرەك» جوباسى اياسىندا مەكتەپتەردٸڭ 1200 پەدوگوگ-پسيحولوگى بٸلٸمدەرٸن ارتتىرادى. ماقسات – وقۋشىلارعا جاڭا تەسٸلدە پسيحولوگييالىق كٶمەك كٶرسەتۋ.
سونىمەن بٸرگە بالالار مەن جاسٶسپٸرٸمدەر اراسىندا سۋيتسيد پەن زورلىق-زومبىلىقتىڭ الدىن الۋ باعىتىندا بەلسەندٸ جوبا ٸسكە اسۋدا. جيىن سوڭىندا استانا قالاسىندا ٶتەتٸن «ەدٸلەتتٸ قازاقستان: بەرٸمٸز جەنە ەرقايسىمىز ٷشٸن» تاقىرىبىنداعى قازاقستاننىڭ حٸ ازاماتتىق فورۋمىنا تٷركٸستان وبلىسى اتىنان قاتىساتىن دەلەگاتتار سايلاندى.
