WorldSkills قوزعالىسىن دامىتۋدىڭ نەگىزگى ماقساتى – كاسىپتىك ءبىلىم بەرۋدەگى تەحنيكالىق، قىزمەت كورسەتۋ جانە قۇرىلىس سالالارى بويىنشا قاتىسۋشىلاردىڭ تاجىريبەلىك دايىندىعىن، كاسىپتىك بىلىكتىلىگىن، شىعارماشىلىعى مەن جوعارى ەڭبەك مادەنيەتىن، زاماناۋي، ونىڭ ىشىندە اقپاراتتىق-كوممۋنيكاسيالىق تەحنولوگيالاردى ءىس جۇزىندە قولدانا الۋ بىلىكتىلىگىن سىناۋ.
استانا قالاسىندا وتكەن «WorldSkills Kazakhstan – 2018» ۇلتتىق چەمپيوناتىنا تۇركىستان وبلىسىنىڭ اتىنان 9 ستۋدەنت جىبەرىلىپ، ونىڭ 6-ى جۇلدەلى ورىندارعا يە بولدى. ۇلتتىق چەمپيوناتتىڭ جابىلۋ سالتاناتىنا ق ر پرەمەر-مينيسترى ب.ساعىنتايەۆ ارنايى قاتىسىپ، كوللەدج ستۋدەنتتەرى مەن بىلىكتى جاس مامانداردى قول جەتكىزگەن جەتىستىكتەرىمەن ماراپاتتادى.
اتاپ ايتقاندا، كەنتاۋ كوپسالالى كوللەدجىنىڭ ستۋدەنتى يسكانداروۆ ماقسات «سانتەحنيكا جانە جىلىتۋ» ساناتى بويىنشا، شىمكەنت اگرارلىق كوللەدجىنىڭ ستۋدەنتى شىنىبەك نۇرباح «اۋىل شارۋاشىلىعى ماشينالارى مەن تراكتورلاردىڭ سلەسار-جوندەۋشىسى» بويىنشا التىن مەدالعا قول جەتكىزدى. سونداي-اق، شاردارا قالاسىنداعى №16 كوللەدج ستۋدەنتتەرى تولەبايەۆ داۋلەت «پليتكامەن قاپتاۋ» بويىنشا، تاۋباي جانارىس «قۇرعاق قۇرىلىس» بويىنشا، ال كەنتاۋ پوليتەحنيكالىق كوللەدجىنىڭ ستۋدەنتى حاليموۆ ومىربەك «ەلەكترونيكا» ساناتى بويىنشا كۇمىس مەدالدارعا يە بولدى. سونىمەن بىرگە، «شاشتاراز ونەرى» بويىنشا ميراس كوللەدجىنىڭ تۇلەگى ارتىقباي ولجاس قولا مەدالدى يەمدەندى.
تۇركىستان وبلىسى اكىمىنىڭ باسپا ءسوز قىزمەتى
