تٷركٸستان ٸرگەسٸندەگٸ ەسكٸ يقان اۋىلىندا سٷت ٶڭدەۋ ٸسٸ دامىپ كەلەدٸ
«تۇران» شارۋا قوجالىعىنا تيەسٸلٸ. ٸسكە قوسىلعانىنا 3 جىل بولعان. سٷت ٶنٸمدەرٸنٸڭ بارلىق تٷرٸن شىعارادى. سارى ماي مەن ٸرٸمشٸك ٶندٸرٸسٸنە مەملەكەت قولداۋ كٶرسەتٸپ وتىر. اۋىل شارۋاشىلىعى باسقارماسى ارقىلى جٷزەگە اساتىن, عىلىمي جاڭالىقتاردى ٶندٸرٸسكە ەنگٸزۋگە قاتىستى باعدارلاما بار, سوعان وراي «تۇران» دا ۇنتاق شىعاراتىن جەلٸنٸ قالىپتاستىرىپ جاتىر. 43 ميلليون تەڭگەنٸڭ گرانتىن جەڭٸپ الدى. تسەح 10 ليتر سٷتتەن 1 كەلٸ ۇنتاق شىعارادى. جازدىگٷنٸ سٷت كٶپ كەزدە ۇنتاق ەزٸرلەۋگە جۇمىس ٸستەيدٸ. ۇنتاعىنىڭ كەلٸسٸ 1200 تەڭگە ەكەن.
بۇعان قوسا ەسكٸ يقان اۋىلدىق وكرۋگٸندە جىلىنا 1200 توننا سٷت ٶڭدەيتٸن تسەحتى بيىل ٸسكە قوسىلدى.
بالمۇزداق شىعاراتىن كەسٸپورنىمىز دا بار. 6 اي جۇمىس ٸستەيدٸ. سەۋٸر ايىنان قازان ايىنا دەيٸن. جىلىنا 300 توننا بالمۇزداق ٶندٸرەدٸ. كەسٸپورىن باسشىسى تسەحتىڭ ەكٸنشٸ جەلٸسٸن ٸسكە قوسىپ, بالمۇزداقتان بٶلەك سٷت, ايران, يوگۋرت ٶنٸمدەرۋگە ىقىلاس تانىتۋدا. وسىعان وراي قازٸر قارجى ينستيتۋتتارىمەن جۇمىس ٸستەۋدە.
تٷركٸستاندىق شارۋالار ٶنٸمدەرٸن شيكٸزات كٷيٸندە ساتا بەرمەي, قايتا ٶڭدەيتٸن كەسٸپورىنداردى كٶبەيتۋگە كٷش سالۋدا. سەبەبٸ شيكٸزاتتى نەعۇرلىم قايتا ٶڭدەگەن سايىن ونىڭ باعاسى جوعارى بولىپ, تالاي ادام جۇمىسپەن قامتىلادى.
Dalanews.kz
