قازاقستان رەسپۋبليكاسى بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٷركٸستان وبلىسى بويىنشا دەپارتامەنتٸ اۆياوتىندى بٶلشەك ساۋدادا ٶتكٸزۋ تاۋار نارىعىنداعى بەسەكەلەستٸك جاعدايىنا تالداۋ جٷرگٸزدٸ, دەپ حابارلايدى Dalanews.kz.
تالداۋ نەتيجەلەرٸ بويىنشا قازاقستان رەسپۋبليكاسى كەسٸپكەرلٸك كودەكسٸنٸڭ 174-بابى 4) تارماقشاسىن بۇزۋ بەلگٸلەرٸ انىقتالدى.
وسىعان بايلانىستى «تٷركٸستان حالىقارالىق ەۋەجايى» اق-عا كەلٸسٸمدەردٸڭ مەنٸنە قاتىسى جوق قوسىمشا مٸندەتتەمەلەردٸ تاڭۋ بەلگٸلەرٸ بويىنشا تەرگەپ-تەكسەرۋ تاعايىندالدى.
تەرگەپ-تەكسەرۋ بارىسىندا «تٷركٸستان حالىقارالىق ەۋەجايى» اق تيٸستٸ نارىقتا ٷستەم جاعدايعا يە بولا وتىرىپ, اۆياوتىندى بٶلشەك ساۋدادا ٶتكٸزەتٸن كەسٸپكەرلٸك سۋبەكتٸسٸنەن ەۋەجاي اۋماعىندا ٶتكٸزۋ قۇقىعى ٷشٸن الىم ٶندٸرگەنٸ انىقتالدى. اتالعان ەرەكەتتەردەن دەپارتامەنت كەسٸپكەرلٸك كودەكستٸڭ 174-بابى 4) تارماقشاسىندا كٶزدەلگەن بۇزۋشىلىقتاردى انىقتادى.
تٷركٸستان قالاسىنىڭ ەكٸمشٸلٸك قۇقىق بۇزۋشىلىقتار جٶنٸندەگٸ مامانداندىرىلعان اۋدانارالىق سوتىنىڭ قاۋلىسىمەن «تٷركٸستان حالىقارالىق ەۋەجايى» اق قازاقستان رەسپۋبليكاسى ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 159-بابى 3-1-بٶلٸگٸ بويىنشا ەكٸمشٸلٸك جاۋاپكەرشٸلٸككە تارتىلىپ, 14,3 ميلليون تەڭگە مٶلشەرٸندە ەكٸمشٸلٸك ايىپپۇل سالىندى.
