Qazaqstan Respýblikasy Básekelestikti qorǵaý jáne damytý agenttiginiń Túrkistan oblysy boiynsha departamenti aviaotyndy bólshek saýdada ótkizý taýar naryǵyndaǵy básekelestik jaǵdaiyna taldaý júrgizdi, dep habarlaidy Dalanews.kz.
Taldaý nátijeleri boiynsha Qazaqstan Respýblikasy Kásipkerlik kodeksiniń 174-baby 4) tarmaqshasyn buzý belgileri anyqtaldy.
Osyǵan bailanysty «Túrkistan halyqaralyq áýejaiy» AQ-ǵa kelisimderdiń mánine qatysy joq qosymsha mindettemelerdi tańý belgileri boiynsha tergep-tekserý taǵaiyndaldy.
Tergep-tekserý barysynda «Túrkistan halyqaralyq áýejaiy» AQ tiisti naryqta ústem jaǵdaiǵa ie bola otyryp, aviaotyndy bólshek saýdada ótkizetin kásipkerlik sýbektisinen áýejai aýmaǵynda ótkizý quqyǵy úshin alym óndirgeni anyqtaldy. Atalǵan áreketterden Departament Kásipkerlik kodekstiń 174-baby 4) tarmaqshasynda kózdelgen buzýshylyqtardy anyqtady.
Túrkistan qalasynyń Ákimshilik quqyq buzýshylyqtar jónindegi mamandandyrylǵan aýdanaralyq sotynyń qaýlysymen «Túrkistan halyqaralyq áýejaiy» AQ Qazaqstan Respýblikasy Ákimshilik quqyq buzýshylyq týraly kodeksiniń 159-baby 3-1-bóligi boiynsha ákimshilik jaýapkershilikke tartylyp, 14,3 million teńge mólsherinde ákimshilik aiyppul salyndy.
