«سالاۋاتتى ۇلت – سالاۋاتتى ۇرپاق» اتتى ۇرانمەن ەكى كۇنگە سوزىلعان جارىسقا كورشىلەس سايرام، ورداباسى، تولەبي جانە جەرگىلىكتى جاس بىلعارى دوپ شەبەرلەرى قاتىسۋدا. جالپى 10 كوماندا ءوزارا مىقتىنى انىقتادى. جارىس ناتيجەسى بويىنشا ءى-ورىندى ساستوبە اۋىلدارىنىڭ جوسوسپىرىمدەرىنەن قۇرالعان كوماندا يەلەنسە، ءىى-ورىندى تولەبي اۋدانىنىڭ قۇراماسى، ال ءىىى-ورىن مايتوبە اۋىلىنىڭ №4 بالالار جانە جاسوسپىرىمدەر سپورت مەكتەبىنىڭ وقۋشىلارىنا بۇيىردى.
سالتاناتتى شارانىڭ اشىلۋىنا تۇركىستان وبلىسىنىڭ دەنە شىنىقتىرۋ جانە سپورت باسقارماسى باسشىسىنىڭ ورىنباسارى ا.بەرداشيەۆ، اۋدان اكىم ن.بايعۇت جانە سپورت سالاسىنىڭ ارداگەرلەرى قاتىسىپ، جاس سپورتشىلارعا ساتتىلىك تىلەدى. سونداي-اق، مەرەكەلىك شارادا كوپ جىلدان اۋدان كولەمىندە فۋتبولدىڭ دامۋىنا ولشەۋسىز ۇلەس قوسىپ جۇرگەن س.مامىروۆتى زەينەتتىك جاسقا جەتۋىمەن قۇتتىقتاۋ ءراسىمى ءوتتى.
