تۇركىمەن ازاماتتارى توبىنىڭ تۇرىك ادۆوكاتى گۇلدەن سونمەزدىڭ حابارلاۋىنشا، ارىز 21 ماۋسىمدا ستامبۇل سوتىنا تاپسىرىلدى.
شاعىمدا بەردىمۇحامەدوۆپەن بىرگە تۇركىمەنستان سىرتقى ىستەر ءمينيسترى راشيد مەرەدوۆ پەن ىشكى ىستەر ءمينيسترى مۇحاممەد حىدىروۆ ەسىمى اتالدى.
ادۆوكات سونمەزدىڭ مالىمدەۋىنشە، تۇركىمەن ازاماتتارىنىڭ توبى شەنەۋنىكتەردى ادام قۇقىقتارىن ورەسكەل بۇزدى، سونىڭ ىشىندە «قاماۋدا ازاپتادى، سوتسىز ءولىم جازاسىنا كەستى، زاڭسىز ۇستادى» دەپ ايىپتاپ وتىر.
– ءبىز ارىزعا تۇركىمەنستان تۇرمەلەرىندە قايتىس بولعانداردىڭ، تۇركىمەن ۇكىمەتىنىڭ قۋدالاۋىنا ۇشىراعانداردىڭ كوپتەگەن سۋرەتىن، قۇجاتتارى مەن ءاتى-جونىن قوستىق. بۇعان قوسا، ارىزدا تۇركيادا تۇرىپ جاتقان ازااتتاردىڭ تۇركىمەنستان كونسۋلدىقتارىنان نەكە تۋرالى كۋالىك، تۋۋ تۋرالى كۋالىك جانە ءتولقۇجات الا الماي جۇرگەنى ايتىلدى، – دەيدى ادۆوكات.
