Túrkıany panalaǵan túrkimen azamattary burynǵy prezıdent Ǵurbanǵuly Berdymuhamedov pen taǵy birneshe sheneýnikti sotqa berdi. Aryzdanýshylar eks-prezıdent pen sheneýnikterdi adam quqyqtaryn óreskel buzdy dep aıyptady.

Túrkimen azamattary tobynyń túrik advokaty Gúlden Sonmezdiń habarlaýynsha, aryz 21 maýsymda Stambul sotyna tapsyryldy.

Shaǵymda Berdymuhamedovpen birge Túrkimenstan syrtqy ister mınıstri Rashıd Meredov pen ishki ister mınıstri Muhammed Hydyrov esimi ataldy.

Advokat Sonmezdiń málimdeýinshe, túrkimen azamattarynyń toby sheneýnikterdi adam quqyqtaryn óreskel buzdy, sonyń ishinde «qamaýda azaptady, sotsyz ólim jazasyna kesti, zańsyz ustady» dep aıyptap otyr.

– Biz aryzǵa Túrkimenstan túrmelerinde qaıtys bolǵandardyń, túrkimen úkimetiniń qýdalaýyna ushyraǵandardyń kóptegen sýretin, qujattary men aty-jónin qostyq. Buǵan qosa, aryzda Túrkıada turyp jatqan azaattardyń Túrkimenstan konsýldyqtarynan neke týraly kýálik, týý týraly kýálik jáne tólqujat ala almaı júrgeni aıtyldy, – deıdi advokat.