تٷركييا سوتى يزرايل پرەمەر-مينيسترٸ بينيامين نەتانياحۋدى حالىقارالىق ٸزدەۋگە جارييالاۋ جٶنٸندە ينتەرپولعا سۇراۋ جولداۋ تۋرالى قاۋلى شىعاردى. بۇل شەشٸم گازا سەكتورىنا باعىت العان Global Sumud گۋمانيتارلىق فلوتيليياسىنىڭ ۇستالۋىنا بايلانىستى تەرگەۋ اياسىندا قابىلداندى, دەپ حابارلايدى تٷركييالىق Hürriyet Daily News باسىلىمى.
تٷركييانىڭ 11-شٸ جوعارى قىلمىستىق سوتى پروكۋراتۋرانىڭ ٶتٸنٸشٸن قاناعاتتاندىرعان. گۋمانيتارلىق ميسسيياعا قاتىسۋشىلاردىڭ اراسىندا تٷركييا ازاماتتارى دا بولعان.
تەرگەۋ اياسىندا نەتانياحۋ مەن يزرايلدٸڭ باسقا دا جوعارى لاۋازىمدى شەنەۋنٸكتەرٸنە ادامزاتقا قارسى قىلمىس, گەنوتسيد, دەنساۋلىققا قاساقانا زييان كەلتٸرۋ جەنە ازاپتاۋ ايىپتارى تاعىلىپ وتىر.
ايىپتاۋ قورىتىندىسىندا مٷلٸكتٸ جويۋ, اسا اۋىر توناۋ, كەمە قاتىناسىنا كەدەرگٸ كەلتٸرۋ, كٶلٸك قۇرالدارىن زاڭسىز باسىپ الۋ جەنە ادامداردى زاڭسىز بوستاندىعىنان ايىرۋ فاكتٸلەرٸ دە كٶرسەتٸلگەن.
2025 جىلدىڭ قاراشاسىندا تٷركييا سوتى گازا سەكتورىنداعى وقيعالار مەن Global Sumud فلوتيليياسىنا قارسى ەرەكەتتەرگە بايلانىستى نەتانياحۋ جەنە يزرايلدٸڭ باسقا دا لاۋازىمدى تۇلعالارىن قاماۋعا الۋ تۋرالى وردەر بەرگەن.
2026 جىلدىڭ سەۋٸرٸندە تٷركييا پروكۋراتۋراسى ٸس بويىنشا 35 ادامعا قاتىستى ايىپتاۋ قورىتىندىسىن دايىنداۋدى اياقتادى. ولاردىڭ ەرقايسىسىنا اۋىرلاتاتىن مەن-جايلار بويىنشا ٶمٸر بويىنا باس بوستاندىعىنان ايىرۋ, سونداي-اق ٸستٸڭ باسقا ەپيزودتارى ٷشٸن قوسىمشا ۇزاق مەرزٸمدٸ جازا تاعايىنداۋ سۇرالعان.
الايدا ينتەرپولعا سۇراۋ جولدانۋى نەتانياحۋعا قاتىستى بٸردەن "قىزىل حابارلاما" شىعارىلدى دەگەندٸ بٸلدٸرمەيدٸ. مۇنداي حابارلاما ۇيىمعا مٷشە ەلدەردٸڭ قۇقىق قورعاۋ ورگاندارىنا ادامنىڭ ورنالاسقان جەرٸن انىقتاپ, قاجەت بولعان جاعدايدا ۇلتتىق زاڭناماعا سەيكەس ونى ۋاقىتشا ۇستاۋ تۋرالى ٶتٸنٸش سانالادى.
ينتەرپولدىڭ "قىزىل حابارلاماسى" حالىقارالىق قاماۋعا الۋ وردەرٸ بولىپ ەسەپتەلمەيدٸ.
