– ءبىز بۇل كوميسسيانىڭ پسيحولوگيالىق جانە قارجىلىق تۇرعىدا ءوز كليەنتتەرىمىزگە كەدەرگى بولىپ كەلگەنىن جاقسى تۇسىنەمىز. سوندىقتان، ساۋىردەن باستاپ كوميسسيا المايتىن بولدىق. بۇل ءبىز جوسپارلاعانداي ءتيىمدى اسەرىن بەردى، ياعني جاڭادان اشىلىپ جاتقان دەپوزيتتەر كولەمى وسۋدە. سونىمەن بىرگە، كوميسسيانىڭ جويىلۋى بەلگىلى-بىر مەرزىممەن شەكتەلەتىن ناۋقان ەمەس، بۇل تۇراقتى تۇردە جۇمىس ىستەيتىن بولادى، – دەدى، تۇرعىن ءۇي قۇرىلىس جيناق بانكىنىڭ باسقارما ءتورايىمى ءلاززات يبراگيموۆا.
بۇرىن اتالعان قىزمەتتەر ءۇشىن كوميسسيالىق الىمنىڭ مولشەرى شارتتىق سومانىڭ جانە دەپوزيتتى تولىقتىرۋ سوماسىنىڭ 0،55%-ىن قۇراعان ەدى. وسىعان بايلانىستى، كوپتەگەن سالىمشىلار دەپوزيتتىڭ شارتتىق سوماسىن 1 ملن. تەڭگەدەن اسىرماي كەلگەن. ال، بۇل ءوز كەزەگىندە باسپانا الۋ ءۇشىن جەتكىلىكسىز بولىپ كەلدى.
ەگەر 2016 جىلى كۇندەلىكتى ورتا ەسەپپەن 1 مىڭ تقج شارتى جاسالعان بولسا، ال اعىمداعى جىلدىڭ 3 ساۋىرىنەن باستاپ كۇندەلىكتى اشىلعان دەپوزيتتەردىڭ ورتاشا سانى 2،9 مىڭ بىرلىكتى قۇراپ وتىر. كوميسسيانى الىپ تاستاعان ساتتەن باستاپ، بارلىعى 50 مىڭ دەپوزيت اشىلدى.
