– Biz bul komısıanyń psıhologıalyq jáne qarjylyq turǵyda óz klıentterimizge kedergi bolyp kelgenin jaqsy túsinemiz. Sondyqtan, sáýirden bastap komısıa almaıtyn boldyq. Bul biz josparlaǵandaı tıimdi áserin berdi, ıaǵnı jańadan ashylyp jatqan depozıtter kólemi ósýde. Sonymen birge, komısıanyń joıylýy belgili-bir merzimmen shekteletin naýqan emes, bul turaqty túrde jumys isteıtin bolady, – dedi, Turǵyn úı qurylys jınaq bankiniń basqarma tóraıymy Lázzat Ibragımova.
Buryn atalǵan qyzmetter úshin komısıalyq alymnyń mólsheri sharttyq somanyń jáne depozıtti tolyqtyrý somasynyń 0,55%-yn quraǵan edi. Osyǵan baılanysty, kóptegen salymshylar depozıttiń sharttyq somasyn 1 mln. teńgeden asyrmaı kelgen. Al, bul óz kezeginde baspana alý úshin jetkiliksiz bolyp keldi.
Eger 2016 jyly kúndelikti orta eseppen 1 myń TQJ sharty jasalǵan bolsa, al aǵymdaǵy jyldyń 3 sáýirinen bastap kúndelikti ashylǵan depozıtterdiń ortasha sany 2,9 myń birlikti qurap otyr. Komısıany alyp tastaǵan sátten bastap, barlyǵy 50 myń depozıt ashyldy.
