ىشكى ىستەر ءمينيسترىنىڭ ەكس-باسشىسى ەرلان تۇرعىمبايەۆقا قاتىستى قىلمىستىق ءىس قوزعالعانى راستالدى، - دەپ حابارلايدى Dalanews.kz.

بۇل اقپاراتتى قازىرگى ىشكى ىستەر مينيسترلىگىنىڭ باسشىسى ەرجان سادەنوۆ راستادى.

«بۇل ءىستى ىشكى ىستەر مينيسترلىگى تەرگەپ جاتقان جوق.  سوندىقتان قانداي ءىس، قانداي باپ بويىنشا ءىس ءجۇرىپ جاتقانىنا پىكىر بىلدىرە المايمىن»، - دەيدى سادەنوۆ ءماجىلىس كۋلۋارىندا.

بۇعان دەيىن بىرنەشە ب ا ق بۇرىنعى ىشكى ىستەر ءمينيسترى تۇرعىمبايەۆقا قاتىستى قىلمىستىق ءىس قوزعالعانىن حابارلاعان بولاتىن. دەرەكتەرگە سۇيەنسەك، وعان قاتىستى 361-باپتىڭ 1ء-بولىمى ("لاۋازىمدىق وكىلەتتىكتەردى تەرىس پايدالانۋ") بويىنشا ءىس قوزعالعان، ياعني قاڭتار وقيعاسى كەزىندە قىزمەتتىك وكىلەتىن اسىرا پايدالاندى دەپ ايىپتالىپ وتىر ەكەن.

orda.kz مالىمەتىنشە، تەرگەۋ نىسانىندا بۇرىنعى ىشكى ىستەر مينيسترىنەن بولەك تالدىقورعان پوليسياسىنىڭ بۇرىنعى باستىعى اسقار نۇرساپا، قاراساي اۋدانىنىڭ بۇرىنعى پوليسيا باستىعى بولات توتىبايەۆ جانە باسقالارى بار.

ەرلان تۇرعىمبايەۆ 2012 جىلدان بەرى ىشكى ىستەر ءمينيسترىنىڭ ورىنباسارى، 2019 جىلدان بەرى ىشكى ىستەر ءمينيسترى قىزمەتتەرىن اتقاردى.

ال 2022 جىلى ونىڭ قىزمەتتەن كەتكەنى بەلگىلى بولدى.

ايتا كەتەيىك، بۇعان دەيىن دە بۇرىنعى ىشكى ىستەر ءمينيسترى ەرلان تۇرعىمبايەۆ قاڭتارداعى تارتىپسىزدىك بويىنشا كۇدىكتى ەكەنى تۋرالى اقپارات تارادى. ءبىراق ول كەزدە ق ر باس پروكۋراتۋراسى مۇنى راستامادى.

"بۇرىنعى ىشكى ىستەر ءمينيسترى ەرلان تۇرعىمبايەۆ كۇدىكتى ەمەس. ول باس پروكۋراتۋرانىڭ ۆەدومستۆوارالىق تەرگەۋ جانە جەدەل توبى تەرگەپ جاتقان قىلمىستىق ىسكە كۋاگەر رەتىندە جاۋاپ بەردى"، - دەپ حابارلانعان ەدى سول كەزدە.