فۋتبولدان قازاقستان پرەمەر-ليگاسىنىڭ كەزەكتٸ تۋر ويىندارى ٶتتٸ. تٷركٸستان وبلىسىنىڭ نامىسىن قورعايتىن «تۇران» كومانداسى «تٷركٸستان ارەنا» ستاديونىندا پەتروپاۆلدىڭ «قىزىلجار» فۋتبولشىلارىن قابىلداپ, 1:0 ەسەبٸمەن جەڭٸسكە جەتتٸ. تارتىستى ويىننىڭ 5-شٸ مينۋتىندا تۇراندىق نيكولا تسۋكچيچ ويىنداعى جالعىز جەڭٸس گولىن سوعىپ, ەرٸپتەستەرٸن العا شىعاردى. ويىننىڭ قالعان بٶلٸگٸ الما-كەزەك شابۋىلدارمەن ٶربٸگەنٸمەن, ەسەپ ٶزگەرمەدٸ, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
وسىلايشا, «تۇران» كومانداسى 21 تۋر اياسىندا ٶتكەن كەزدەسۋدە 3 ۇپايدى ەنشٸلەپ, تۋرنير كەستەسٸندە جاعدايلارىن بٸرشاما جاقسارتىپ الدى. ولار 19 ۇپايمەن 11-شٸ ورىندا كەلەدٸ. «تۇراننىڭ» قاتارىنان 2 رەت جەڭٸسكە جەتۋٸنە «تٷركٸستان ارەنا» ستاديونىنا ورالۋى دا ٶز ەسەرٸن تيگٸزدٸ. ەكٸ ويىندا دا ستاديوندا جانكٷيەرلەر قاتارى قالىڭ بولىپ, فۋتبولشىلارعا شابىت سىيلاي بٸلدٸ.
تاعى بٸر ايتا كەتەرلٸگٸ, ويىننان كەيٸن تٷركٸستان وبلىستىق قوعامدىق دامۋ باسقارماسىنىڭ «جاستار رەسۋرستىق ورتالىعى» كمم-نٸڭ ٷيلەستٸرۋٸمەن تٷركٸستاننىڭ بەلسەندٸ جاستارى ستاديوندا تازالىق جۇمىستارىن جٷرگٸزٸپ, كٶپشٸلٸككە ٷلگٸ كٶرسەتە بٸلدٸ.
ەندٸ «تۇران» اياقدوپ شەبەرلەرٸ 27-شٸ قىركٷيەك كٷنٸ شىمكەنتتە «ورداباسى» كومانداسىمەن كەزدەسەدٸ.
