تۇڭعىشباي، سەنىمەن بىرگە وقىعانىما وكىنەمىن

Dalanews 13 قاز. 2016 09:35 548

قازاقستان تەاتر قايراتكەرلەرى وداعىنىڭ ءتوراعاسى تۇڭعىشباي جامانقۇلوۆتىڭ باسى داۋعا قالدى. داۋدىڭ شەت-جاعاسىن كوزى قاراقتى وقىرامىن بىلەتىن شىعار. قايتالاماي-اق قويالىق (مىنا سىلتەمە بويىنشا كىرسەڭىز تۇسىنەسىز: kaz.365info.kz ). 

الدىمەن جامانقۇلوۆتى ءاسانالى ءاشىموۆ سىنعا الدى. ارتىنشا ونەردەگى تاعى ءبىر ارىپتەسى، ايگىلى قىز جىبەك، قازاقستاننىڭ حالىق ءارتىسى مەرۋەرت وتەكەشوۆا جەردەن الىپ، جەرگە سالىپتى.

«90 جىلدارى، الگى قيىن كەزدەردى ايتام، ونەرگە قول سوزعان، كومەك كورسەتكەن ادام كىم، بىلەسىڭ بە سونى؟ پرەزيدەنت! ەلباسىمەن كەزدەسكەن كەزدە مەن ودان: «ءسىز بارلىق ىسكە كوڭىل بولەتىن كۇش-قۋاتتى قايدان الاسىز؟ تاڭەرتەڭ ءبىر جەرگە اسىعىپ بارا جاتساڭىز، كەشكە باسقا ءبىر جيىندا وتىراسىز. تۇندە دە جۇمىس ۇستىندەسىز. كۇنى-تۇنى تاۋسىلمايتىن رەسمي كەزدەسۋلەر دە قانشاما» دەپ سۇرادىم. «كۇش-قۋاتتى مەن سىزدەردەن، مادەنيەت پەن ونەردىڭ ادامدارىنان الامىن. حالىقتى تاربيەلەيتىن، ولارعا مادەنيەت نۇرىن سەبەتىن مىنا سىزدەرسىزدەر» دەگەن ەدى سول جولى پرەزيدەنت. ال ءقازىر ءبىز نە ىستەپ جاتىرمىز؟ مۇنىمىز ايتۋعا ۇيات ماسقارا  جاعداي عوي. تۇڭعىشباي، سەن مەنى كەشىر. ءيا، بىرگە وقىدىق.  ءبىراق، كەي كەزدەرى سەنىمەن ءبىر كۋرستا وقىعانىما وكىنەمىن. بۇلاي دەپ ايتۋدىڭ وزىنە ۇيالامىن» دەدى مەرۋەرت وتەكەشوۆا.

ءازىر جامانقۇلوۆ جالعىز قالعانداي. ءالىپتىڭ ارتىن باعايىق. جامانقۇلوۆ وزىنە قاراتا ايتىلعان سىندى جاۋاپسىز قالدىرمايتىنى بەلگىلى…

ۇسىنىلعان
سوڭعى جاڭالىقتار