Tuńǵyshbai, senimen birge oqyǵanyma ókinemin
Aldymen Jamanqulovty Asanáli Áshimov synǵa aldy. Artynsha ónerdegi taǵy bir áriptesi, áigili Qyz Jibek, Qazaqstannyń Halyq ártisi Merýert Ótekeshova jerden alyp, jerge salypty.
«90 jyldary, álgi qiyn kezderdi aitam, ónerge qol sozǵan, kómek kórsetken adam kim, bilesiń be sony? Prezident! Elbasymen kezdesken kezde men odan: «Siz barlyq iske kóńil bóletin kúsh-qýatty qaidan alasyz? Tańerteń bir jerge asyǵyp bara jatsańyz, keshke basqa bir jiynda otyrasyz. Túnde de jumys ústindesiz. Kúni-túni taýsylmaityn resmi kezdesýler de qanshama» dep suradym. «Kúsh-qýatty men sizderden, mádeniet pen ónerdiń adamdarynan alamyn. Halyqty tárbieleitin, olarǵa mádeniet nuryn sebetin myna sizdersizder» degen edi sol joly Prezident. Al qazir biz ne istep jatyrmyz? Munymyz aitýǵa uiat masqara jaǵdai ǵoi. Tuńǵyshbai, sen meni keshir. Iá, birge oqydyq. Biraq, kei kezderi senimen bir kýrsta oqyǵanyma ókinemin. Bulai dep aitýdyń ózine uialamyn» dedi Merýert Ótekeshova.
Ázir Jamanqulov jalǵyz qalǵandai. Áliptiń artyn baǵaiyq. Jamanqulov ózine qarata aitylǵan syndy jaýapsyz qaldyrmaityny belgili…
