تٷلكٸباستىڭ اق جاۋىلىقتى ەجەلەرٸ استانادان جٷلدەمەن ورالدى
ٸس-شارانىڭ باس ۇيىمداستىرۋشىسى قازاق راديوسىنىڭ جۋرناليسٸ گٷلميرا نەلٸباي مەن «مەرەكە» پروديۋسەرلٸك ورتالىعى. مٸنە, وسىنداي يگٸ باستاما كٶپشٸلٸك قاۋىم ورتاسىندا قولداۋ تاپسا كەرەك, ۇيىمداستىرۋشىلار ەكٸنشٸ مەرتە ٶتكٸزۋدٸ قولعا الدى. سٶيتٸپ ٶتكەن اپتانىڭ قازانشۋاق كٷندەرٸندە تٷلكٸباستىق بٸر توپ ەجەلەرٸمٸز الماتىعا قاراي دەل وسى بايقاۋعا باق سىناۋ ٷشٸن جولعا شىقتى. ەرينە, بٸزدٸڭ اۋداننىڭ ەجەلەرٸ وسال ەمەس. جىلدا اۋدان-وبلىس كٶلەمٸندە مەرەكەلٸك ٸس-شارالاردا بوي كٶرسەتٸپ, ەبدەن ساحناعا تٶسەلگەن, قازاقى سالت-دەستٷردٸ دە, قولٶنەردٸ دە, شەشەن سٶيلەي بٸلۋدٸ دە, كەرەك دەسەڭٸز قازاقى ناقىشتا ەن ايتىپ, بيدٸ دە بيلەپ جٷرگەن بەلسەندٸ اپالارىمىزدىڭ بۇل بايقاۋدا وزىق كٶرٸنەتٸنٸنە سەنٸمدٸ دە بولدىق.
بايقاۋدىڭ باس-قاسىندا جٷرٸپ ۇيىتقى بولعان گٷلميرا نەلٸباي:
– بۇل بايقاۋدىڭ ماقساتى – 50 مەن 90 جاس ارالىعىنداعى, بٷگٸندە بەينەتٸنٸڭ زەينەتٸن كٶرٸپ وتىرعان اتا-اپالارىمىزعا رۋحاني قولداۋ كٶرسەتٸپ, بويىنداعى ٶنەرٸن جاس كٷنٸندەگٸدەي قايتا بٸر شىڭداۋىنا مٷمكٸندٸك سىيلاۋ, ۇمىت بولعان ەندەر مەن كٷيلەردٸ قايتا جان-داندىرۋ; ەل اراسىندا جٷرگەن ون ساۋساعى¬نان ٶنەرٸ تامعان شەبەرلەرٸمٸزدٸ ناسيحات¬تاۋ, ۇلتتىق ٶنەردٸڭ جاڭعىرۋىنا جول اشۋ; ٷلكەندەرٸمٸزدٸڭ نەمەرە-شٶبەرەلەرٸنە ارناپ ەن ايتۋى مەن باتا بەرۋٸن كٶپكە دەرٸپتەۋ; جوعالىپ بارا جاتقان قازاقى تەربيەنٸ ساقتاپ قالۋعا اتسالىسۋ, - دەيدٸ.
وسىنداي عۇرىپقا باعىتتالعان بايقاۋعا ەلٸمٸزدٸڭ كٶپتەگەن وبلىستارى, مەسەلەن الماتى, قاراعاندى, تٷركٸستان, قىزىلوردا, اقتٶبە وبلىستارى نىڭ اۋدان, اۋىلدارىنان, سونىمەن بٸرگە الماتى, شىمكەنت, تاراز قالاسىنان كەلگەن ٶنەرلٸ اتا-ەجەلەر بولدى. ولار «ەن سالۋ», «حورمەن ەن سالۋ», «دەستٷرلٸ ەن», «مەنەرلەپ ٶلەڭ وقۋ», «اقىندىق ٶنەر», «اسپاپتا ويناۋ», «قولٶنەر», «باتا بەرۋ», «سۋرەتشٸلٸك ٶنەر» سىندى ەر جانردا ٶنەرلەرٸن ورتاعا سالدى. ٷمٸتكەرلەردٸڭ ەڭ جاسى ەلۋدە بولسا, ەڭ ٷلكەنٸ سەكسەندەگٸ ەجە بولدى. سونىڭ ٸشٸندە تٷلكٸباستىق ەجەلەر ٶزدەرٸنٸڭ ۇستامدىلىعىمەن, ساحنا مەدەنيەتٸن ساقتاي بٸلۋٸمەن, ۇلتتىق كيٸمدٸ بٸركەلكٸ تارتىمدى كيٸنۋٸمەن, ەسٸرەسە كيەلٸ كيمەشەكتەرٸنٸڭ ۇلتتىق ناقىشقا ساي بولۋىمەن جەنە ەر تاپسىرمانى ناق ورىنداۋىمەن ەرەكشە كٶزگە تٷسە بٸلدٸ.
الماتىداعى ٶنەر سايىسىنا اپالارىمىزدى اۋداندىق ەجەلەر القاسىنىڭ تٶرايىمى گٷلبٷبٸ ەشەنقۇلوۆا باستاپ اپاردى جەنە اۋدان ەكٸمٸنٸڭ ورىنباسارى اسحات جاباعى ەجەلەرٸمٸزدٸڭ جول-شىعىندارىن كٶتەرۋگە اتسالىسقانىن ايتا كەتەيٸك. «اۋىلىڭدا قازىنالى قارتىڭ بولسا, جازىپ قويعان حاتپەن تەڭ» دەپ بەكەر ايتىلماعان عوي, التىن كٶمبە سەكٸلدٸ, اۋزى دۋالى, سٶزٸ ۋەجدٸ اتا-اپالارىمىزدىڭ تەرەڭنەن سٷزٸپ ايتقان ەر سٶزٸن جازىپ, كٶنەدەن اقتارعان شەجٸرەسٸن ويعا تٷيٸپ قالماساق, ازاماتتىعىمىزعا سىن ەمەس پە?
بايقاۋدا «اقباقاي» ەنٸمەن تٷلكٸباستىق ەجە كٷمٸسكٷل تۇرسىنبەكوۆا باس جٷلدەنٸ يەمدەندٸ. مەنەرلەپ وقۋدان كەزيما ٷمبەتەليەۆا, دەتٷرلٸ ەننەن زەۋرە تٸلەنشيەۆا, ەن سالۋدان جەنە قۇراق قۇراۋدان ەشٸركٷل نۇراقباەۆا, ۇلتتىق قولٶنەەردەن سەيسەكٷل ساتاەۆا, مٷسٸن فيگۋركالار جاساۋدان وڭلاسىن جورتانوۆا, بي ٶنەرٸنەن التىنشا جاۋىلباەۆا بٸرٸنشٸ ورىندى يەلەندٸ. سونداي-اق, ەجەلەرٸمٸز حالىق ەنٸ «ۋگايىم-ايدى» حورمەن ورىنداپ شىقتى, جوعارىدا اتى اتالعان اپالارىمىزبەن بٸرگە كٷلەش جٷنٸسبەكوۆا, كٷلزينات شىمبەكوۆا, ساپاركٷل دۋلاتوۆا, بيبان جۇماعۇلوۆا حورعا قاتىستى. مٸنە, اۋدان نامىسىن جٸبەرمەي, تۋداي جەلبٸرەتٸپ كٶتەرٸپ قايتقان, جانارلارىنان مەيٸرٸم نۇرى تٶگٸلگەن وسىنداي التىن دارييا, اسىل ەجەلەرٸمٸز قانداي قۇرمەتكە دە لايىقتى.
«Dalanews» اقپارات
