كۇن تارتىبىندەگى ءبىرىنشى ماسەلە بويىنشا اۋداندىق پارتيا فيليالى ءتوراعالىعىنا تۇلكىباس اۋدانىنىڭ اكىمى، پارتيانىڭ بەلسەندى مۇشەسى نۇرلان مارحابات ۇلىنىڭ كانديداتۋراسى ۇسىنىلىپ، ءبىراۋىزدان قابىلداندى.
كۇن ءتارتىبىنىڭ ەكىنشى ماسەلەسى پارتيانىڭ اۋماقتىق فيليالى ساياسي كەڭەسىنىڭ 2019-2020 جىلدارى اتقارعان جۇمىستارى تۋرالى ەسەبى جانە الداعى كەزەڭگە ارنالعان مىندەتتەرى تۋرالى اۋداندىق پارتيا فيليالى ءتوراعاسىنىڭ ءبىرىنشى ورىنباسارى قۋاتبەك ەركەبايەۆ بايانداما جاسادى. ول الدىمەن 2021 جىلدىڭ 10 قاڭتارىندا وتكىزىلگەن قازاقستان رەسپۋبليكاسى پارلامەنتى ءماجىلىسى دەپۋتاتتارى جانە بارلىق دەڭگەيدەگى ءماسليحات دەپۋتاتتارىنىڭ سايلاۋىندا «Nur Otan» پارتياسى ەل سەنىمىنە يە بولعاندىعىن جانە ايقىن جەڭىسكە جەتكەندىگىن ايتىپ، قۇتتىقتادى. بۇل ۇلكەن جەڭىس، سونىمەن قاتار، يىققا ارتىلعان جاۋاپكەرشىلىك ەكەندىگىن العا تارتتى.
اۋداندا كادرلىق رەزەرۆتى ىرىكتەۋدە جاڭاشىلدىق بايقالعان. پرايمەريز جانە بيۋرو شەشىمى ارقىلى 34 ۇزدىك انىقتالىپ، پارتيالىق تىزىمگە ەنگەن بولاتىن. VI شاقىرىلىمدا تۇلكىباس اۋداندىق ءماسليحات دەپۋتاتتارىنىڭ قۇرامىندا ايەل ادامداردىڭ سانى 1 بولسا، VII شاقىرىلىمدا 3-كە جەتتى. سونىمەن قاتار VIءى شاقىرىلىمدا جاستاردىڭ سانى 2-گە جەتتى. وسى جۇمىستاردى بايانداعان ءبىرىنشى ورىنباسار قوعامدىق قابىلداۋ بولمەسىنىڭ جۇمىسىنا دا توقتالىپ ءوتتى.
«ەپيدەمياعا قاراماستان پارتيا فيليالىنىڭ قوعامدىق قابىلداۋ بولمەسى جۇمىسىن جالعاستىرا بەردى. ەلباسى باستاماسىمەن قۇرىلعان «ءبىز بىرگەمىز» رەسپۋبليكالىق اكسياسى شەڭبەرىندە اۋدان كولەمىندە وتباسىلىق جاعىنان از قامتامسىز ەتىلگەن وتباسىلارعا ءبىرقاتار كومەك كورسەتىلدى. وسى اكسيانىڭ ىسكە اسۋىنا اۋداندىق ءماسليحاتتىڭ دەپۋتاتتارى مەن ءبىرقاتار كاسىپكەرلەردىڭ ۇلەسى بار ەكەندىگىن ايتىپ وتكەنىمىز ءجون. 2019 جىلدىڭ قورىتىندىسى بويىنشا اۋداندىق پارتيا فيليالىنىڭ قوعامدىق قابىلداۋ بولمەسىنە 602 ارىز-شاعىم كەلىپ ءتۇسىپ، 289-ى (48%) وڭتايلى شەشىلىپ، 313 وتىنىشكە زاڭ اياسىندا تۇسىنىك بەرىلگەن. قوعامدىق قابىلداۋ بولمەسىنە كوبىنە زەينەتكەرلەر، مۇگەدەكتەر، جۇمىسسىزدار، الەۋمەتتىك از قامتىلعان كوپبالالى وتباسىلار جانە بيۋدجەتتىك سالا قىزمەتكەرلەرى ءارىز-وتىنىش بىلدىرگەن. 2020 جىل قورىتىندىسى بويىنشا پارتيا فيليالىنىڭ قوعامدىق قابىلداۋ بولمەسىنە 2 مىڭنان اسا ادام جۇگىنگەن، بۇل 2019 جىلعا قاراعاندا 3 ەسە كوپ. قاراۋ ناتيجەلەرى بويىنشا 760 (34،4%) وڭتايلى شەشىلىپ، 1201 وتىنىشكە زاڭ اياسىندا كەڭەستەر بەرىلدى»، – دەدى ول.
ارىز-وتىنىشتەردىڭ باسىم بولىگى جەرگىلىكتى اۋىلدىق وكرۋگ تۇرعىندارىنان تۇسكەن. «حالىققا كومەك» پارتيالىق جوباسى اياسىندا ءبىرقاتار ازاماتتارعا كومەك كورسەتىلگەن. سونداي-اق وبلىس بويىنشا 2020 جىلدىڭ 30 قاڭتارىندا جانە 7 اقپانىندا بارلىق وبلىستىق باسقارما باسشىلارىنىڭ قاتىسۋىمەن كوشپەلى قوعامدىق قابىلداۋ كۇندەرى وتكىزىلدى. تۇلكىباس اۋدانى بويىنشا 10-نان اسا تۇرعىن وتىنىشتەرىن ءبىلدىردى. «زاڭگەرلىك كومەك» پارتيالىق جوباسى اياسىندا فيليالعا كەلگەن ازاماتتارعا كاسىبي مەدياتورلار مەن زاڭگەرلەر تاراپىنان تەگىن كونسۋلتاتيۆتىك جانە مەدياتيۆتىك قىزمەتەر كورسەتىلىپ كەلەدى.
ءوز كەزەگىندە اۋداندىق پارتيا فيليالىنىڭ باسشى ورگاندارىنىڭ قۇرامى جاڭارتىلۋدا. جاقىن بەس جىلدىقتاعى باستى جۇمىس وبەكتىسى سايلاۋالدى بادارلامانىڭ ورىندالۋ بارىسى بولماق. 5 جىلعا باعدارلامانىڭ ءار سالاسى بويىنشا تاپسىرمانى ورىندالۋ ينديكتورلارى بەكىتىلدى. «Nur Otan» پارتياسى تۇركىستان وبلىسىنىڭ تۇلكىباس اۋدانى بويىنشا «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن ورىنداۋ جونىندەگى جول كارتاسى ورىندالۋىن باقىلاۋ ماقساتىندا اۋداندىق فيليالى جانىنان قۇرامى 64 مۇشەدەن قۇرالعان 9 قوعامدىق كەڭەس قۇرىلدى. ولاردىڭ قۇرامىنا اۋداندىق ءماسليحاتتىڭ دەپۋتاتتارى، پارتيانىڭ بەلسەندى مۇشەلەرى، ۇكىمەتتىك ەمەس ۇيىمداردىڭ وكىلدەرى، بپۇ ءتوراعالارى مەن قوعامدىق پىكىر كوشباسشىلارى ەندى. وعان قوسا فيليال جانىنداعى 18 باستاۋىش پارتيا ۇيىمدارىنىڭ باسشىلىعى 6 ايەل ازامات، 6 جاس بۋىن وكىلدەرىمەن جاڭاردى. قازىرگى تاڭدا باستاۋىش پارتيا ۇيىمدارىنداعى پارتيا مۇشەلەرىنىڭ سانى 5129-عا جەتكەن.
جيىندا «تۇلكىباس اك زاۋىتى» ج ش س ديرەكتورى، اۋداندىق ءماسليحاتتىڭ دەپۋتاتى پەريزات ابدىبەكوۆا جانە تۇلكىباس اۋداندىق ءماسليحاتىنىڭ حاتشىسى، تۇركىستان وبلىستىق ساياسي كەڭەسىنىڭ مۇشەسى سادۋاحاس سەيسەنبايەۆ جارىسسوزگە شىعىپ، ءسوز سويلەدى. سونداي-اق تۇلكىباس اۋداندىق قوعامدىق كەڭەس ءتوراعاسى، اۋداندىق ءماسليحاتتىڭ دەپۋتاتى وتەپباي ماتكەريموۆ، تۇلكىباس اۋدانى اكىمدىگىنىڭ «جاستار رەسۋرستىق ورتالىعى» كمم مادەني ۇيىمداستىرۋشىسى، اۋداندىق «Jas Otan» جق ءتوراعاسى يسلام دجولباسحانوۆتار ءسوز سويلەپ، پارتيانىڭ جۇمىسىندا ىلگەرى باسۋشىلىق بار ەكەنىن ايتتى. جول كارتاسىن جۇزەگە اسىرۋعا كۇش سالاتىندارىن جەتكىزدى.
كۇن تارتىبىندەگى ءۇشىنشى ماسەلە بويىنشا پارتيانىڭ اۋماقتىق فيليالىنىڭ ساياسي كەڭەسىنىڭ 19 مۇشەدەن قۇرالعان جاڭا قۇرامى تانىستىرىلىپ، داۋىسقا سالىنىپ، ءبىراۋىزدان قابىلداندى.
كۇن تارتىبىندەگى سوڭعى ماسەلە بويىنشا «Nur Otan» پارتياسى تۇركىستان وبلىستىق فيليالىنىڭ كەزەكتى XLI كونفەرەنسياسىنا 13 دەلەگاتتىڭ ءتىزىمى ۇسىنىلىپ، كوپشىلىك پارتيا مۇشەلەرىنىڭ شەشىمىمەن ءبىراۋىزدان بەكىتىلدى.
جيىن سوڭىندا اۋداندىق پارتيا فيليالىنىڭ ءتوراعاسى نۇرلان مارحابات ۇلى كونفەرەنسيانىڭ قاۋلى جوباسىمەن تانىستىرىپ، جيىندى قورتىندىلادى.
