Kún tártibindegi birinshi másele boiynsha aýdandyq partiia filialy tóraǵalyǵyna Túlkibas aýdanynyń ákimi, partiianyń belsendi múshesi Nurlan Marhabatulynyń kandidatýrasy usynylyp, biraýyzdan qabyldandy.
Kún tártibiniń ekinshi máselesi partiianyń aýmaqtyq filialy Saiasi keńesiniń 2019-2020 jyldary atqarǵan jumystary týraly esebi jáne aldaǵy kezeńge arnalǵan mindetteri týraly aýdandyq partiia filialy tóraǵasynyń birinshi orynbasary Qýatbek Erkebaev baiandama jasady. Ol aldymen 2021 jyldyń 10 qańtarynda ótkizilgen Qazaqstan Respýblikasy Parlamenti Májilisi depýtattary jáne barlyq deńgeidegi máslihat depýtattarynyń sailaýynda «Nur Otan» partiiasy el senimine ie bolǵandyǵyn jáne aiqyn jeńiske jetkendigin aityp, quttyqtady. Bul úlken jeńis, sonymen qatar, iyqqa artylǵan jaýapkershilik ekendigin alǵa tartty.
Aýdanda kadrlyq rezervti irikteýde jańashyldyq baiqalǵan. Praimeriz jáne biýro sheshimi arqyly 34 úzdik anyqtalyp, partiialyq tizimge engen bolatyn. VI shaqyrylymda Túlkibas aýdandyq máslihat depýtattarynyń quramynda áiel adamdardyń sany 1 bolsa, VII shaqyrylymda 3-ke jetti. Sonymen qatar VII shaqyrylymda jastardyń sany 2-ge jetti. Osy jumystardy baiandaǵan birinshi orynbasar qoǵamdyq qabyldaý bólmesiniń jumysyna da toqtalyp ótti.
«Epidemiiaǵa qaramastan partiia filialynyń qoǵamdyq qabyldaý bólmesi jumysyn jalǵastyra berdi. Elbasy bastamasymen qurylǵan «Biz birgemiz» respýblikalyq aktsiiasy sheńberinde aýdan kóleminde otbasylyq jaǵynan az qamtamsyz etilgen otbasylarǵa birqatar kómek kórsetildi. Osy aktsiianyń iske asýyna aýdandyq máslihattyń depýtattary men birqatar kásipkerlerdiń úlesi bar ekendigin aityp ótkenimiz jón. 2019 jyldyń qorytyndysy boiynsha aýdandyq partiia filialynyń qoǵamdyq qabyldaý bólmesine 602 aryz-shaǵym kelip túsip, 289-y (48%) ońtaily sheshilip, 313 ótinishke zań aiasynda túsinik berilgen. Qoǵamdyq qabyldaý bólmesine kóbine zeinetkerler, múgedekter, jumyssyzdar, áleýmettik az qamtylǵan kópbalaly otbasylar jáne biýdjettik sala qyzmetkerleri aryz-ótinish bildirgen. 2020 jyl qorytyndysy boiynsha partiia filialynyń qoǵamdyq qabyldaý bólmesine 2 myńnan asa adam júgingen, bul 2019 jylǵa qaraǵanda 3 ese kóp. Qaraý nátijeleri boiynsha 760 (34,4%) ońtaily sheshilip, 1201 ótinishke zań aiasynda keńester berildi», – dedi ol.
Aryz-ótinishterdiń basym bóligi jergilikti aýyldyq okrýg turǵyndarynan túsken. «Halyqqa kómek» partiialyq jobasy aiasynda birqatar azamattarǵa kómek kórsetilgen. Sondai-aq oblys boiynsha 2020 jyldyń 30 qańtarynda jáne 7 aqpanynda barlyq oblystyq basqarma basshylarynyń qatysýymen kóshpeli qoǵamdyq qabyldaý kúnderi ótkizildi. Túlkibas aýdany boiynsha 10-nan asa turǵyn ótinishterin bildirdi. «Zańgerlik kómek» partiialyq jobasy aiasynda filialǵa kelgen azamattarǵa kásibi mediatorlar men zańgerler tarapynan tegin konsýltativtik jáne mediativtik qyzmeter kórsetilip keledi.
Jiynda «Túlkibas ák zaýyty» JShS direktory, aýdandyq máslihattyń depýtaty Perizat Ábdibekova jáne Túlkibas aýdandyq máslihatynyń hatshysy, Túrkistan oblystyq Saiasi keńesiniń múshesi Sadýahas Seisenbaev jaryssózge shyǵyp, sóz sóiledi. Sondai-aq Túlkibas aýdandyq qoǵamdyq keńes tóraǵasy, aýdandyq máslihattyń depýtaty Ótepbai Matkerimov, Túlkibas aýdany ákimdiginiń «Jastar resýrstyq ortalyǵy» KMM mádeni uiymdastyrýshysy, aýdandyq «Jas Otan» JQ tóraǵasy Islam Djolbashanovtar sóz sóilep, partiianyń jumysynda ilgeri basýshylyq bar ekenin aitty. Jol kartasyn júzege asyrýǵa kúsh salatyndaryn jetkizdi.
Kún tártibindegi úshinshi másele boiynsha partiianyń aýmaqtyq filialynyń Saiasi keńesiniń 19 músheden quralǵan jańa quramy tanystyrylyp, daýysqa salynyp, biraýyzdan qabyldandy.
Kún tártibindegi sońǵy másele boiynsha «Nur Otan» partiiasy Túrkistan oblystyq filialynyń kezekti XLI konferentsiiasyna 13 delegattyń tizimi usynylyp, kópshilik partiia músheleriniń sheshimimen biraýyzdan bekitildi.
Jiyn sońynda aýdandyq partiia filialynyń tóraǵasy Nurlan Marhabatuly konferentsiianyń qaýly jobasymen tanystyryp, jiyndy qortyndylady.
