تٷركٸستان وبلىسىنىڭ ەكٸمٸ دارحان ساتىبالدى ٶڭٸردە تۇت كلاستەرٸن دامىتۋ جٶنٸندە تاپسىرما بەرگەن بولاتىن. وبلىس اۋماعىندا تۇت شارۋاشىلىعىن دامىتىپ, ودان جٸبەك ماتا ٶندٸرۋ ماقساتىندا تٷلكٸباس اۋدانى ەكٸمدٸگٸنٸڭ تٸكەلەي قولداۋىمەن كليماتى تۇت شارۋشىلىعىنا قولايلى ايماق بولىپ سانالاتىن اۋداندا بيىل تۇت اعاشتارىنىڭ كٶشەتتەرٸن كەمٸندە 10 گەكتار جەرگە ەگۋ جوسپارلانۋدا, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
بەكٸتٸلگەن مەجەنٸڭ بٷگٸنگٸ تاڭدا 5 گەكتارىنا كٶشەت ەگۋ جۇمىستارىن ارىس اۋىلدىق وكرۋگٸنە قاراستى «نۇرلان» شارۋا قوجالىعى باستاپ كەتتٸ. جاپىراعىن جىلىنا تٶرت رەت جيناۋعا بولاتىن ەگٸلگەن تۇتتىڭ سورتى «ەندٸجان مارحامات – 2017» دەپ اتالادى.
كٶشەت ەگۋ جەنە ونى كٷتٸپ باپتاۋ جۇمىستارىنىڭ بارلىق تالاپتارعا ساي بولۋى «قازاق جٸبەك» بٸرلەستٸگٸنٸڭ تٸكەلەي قاداعالاۋىمەن ٸسكە اسۋدا. بۇدان بٶلەك بيىل تٷلكٸباس اۋدانىندا تۇت شارۋاشىلىعىمەن اينالىسۋعا اقبيٸك, مايلىكەنت جەنە شاقپاق اۋىلدىق وكرۋگٸنٸڭ اگروقۇرىلىمدارى قىزىعۋشىلىق تانىتىپ وتىر.
سونىڭ بٸرٸ, مايلىكەنت اۋىلدىق وكرۋگٸنە قاراستى «ساپارعالي» شارۋا قوجالىعى 7 گەكتار جەر تەلٸمٸنە اتالعان تۇت سورتىنىڭ كٶشەتٸن وسى اپتانىڭ ٸشٸندە ەگۋدٸ باستاعالى تۇر.
تۇت وتىرعىزىپ, جٸبەك ٶندٸرۋگە نيەت بٸلدٸرگەن تۇرعىندارعا «اۋىل اماناتى» باعدارلاماسى (جىلدىق ٷستەمەسٸ 2,5 پايىزدان اسپايتىن نەسيە) بويىنشا قارجىلاي قولداۋ كٶرسەتۋ تەتٸكتەرٸ قاراستىرىلعان. تۇت اعاشىن وتىرعىزعان شارۋالار العاشقى ٶٸنٸمٸن العانشا 20 ايعا دەيٸن دەمالىس الا الادى.
تۇت شارۋاشىلىعى بويىنشا جٸبەك تالشىعى تۇت جاپىراقتارىمەن قورەكتەنگەن جٸبەك قۇرتىنان الىنادى. ال جٸبەك قۇرتىنىڭ نەگٸزگٸ ازىعى – تۇت اعاشى. جٸبەك ٶندٸرٸسٸ – ەلەمدەگٸ ەڭ تابىستى كەسٸپتەردٸڭ بٸرٸ. 1 گەكتار جەرگە ەگٸلگەن تۇت اعاشىنان 1,5 ملن. تەڭگەگە دەيٸن تازا تابىس تابۋعا مٷمكٸندٸك بار. ال ٶنٸمدٸ شىعىس ەۋروپاعا, وڭتٷستٸك كورەياعا جەنە قىتايعا ساتۋعا بولادى. ٶيتكەنٸ مۇنداي تاۋارعا اتالعان ەلدەردە سۇرانىس ٶتە جوعارى.
