قازاقستان اقش تاراپىمەن قوسىمشا تاريفتەر ەنگٸزۋ مەسەلەسٸنە بايلانىستى كەلٸسسٶزدٸ جالعاستىرىپ جاتىر, دەپ حابارلايدى Dalanews.kz.
"وسى ٷدەرٸس اياسىندا بيىل ماۋسىمدا قر ساۋدا جەنە ينتەگراتسييا مينيسترلٸگٸنٸڭ ٶكٸلدەرٸ اقش تاراپىمەن ەكٸجاقتى كەزدەسۋ ٶتكٸزدٸ. قازاقستان اقش-قا ٶزارا تيٸمدٸ ساۋدا ىنتىماقتاستىعىن دامىتۋ, تاۋار جەتكٸزۋ تٸزبەكتەرٸن تۇراقتى ساقتاۋ جەنە نارىققا ەدٸل قول جەتكٸزۋ شارتتارىن قامتاماسىز ەتۋ مەسەلەلەرٸن قامتيتىن رەسمي ۇسىنىس جولدادى. بۇل ۇسىنىس اقش پرەزيدەنتٸ د.ترامپتىڭ 2025 جىلعى 2 سەۋٸردەگٸ جارلىعى مەن وعان ەنگٸزٸلگەن كەيٸنگٸ ٶزگەرٸستەردٸ ەسكەرە وتىرىپ ەزٸرلەنگەن", - دەپ جازىلعان حابارلامادا.
كەلٸسسٶزدەر بارىسىندا تاراپتار ۇسىنىلعان باستامالاردى جان-جاقتى قاراستىرعان.
"قازاقستان تاراپى سىندارلى ىنتىماقتاستىققا بەيٸل ەكەنٸن راستايدى. قارسى تاراپ تا كەلٸسسٶزدەردٸ جالعاستىرۋعا اشىق. بۇل ٶز كەزەگٸندە ٶزارا تيٸمدٸ ەرٸ ەكٸ ەلدٸڭ مٷددەلەرٸنە ساي كەلەتٸن شەشٸمدەردٸ ەزٸرلەۋگە مٷمكٸندٸك بەرەدٸ", - دەپ جازىلعان حابارلامادا.
ساۋدا مينيسترلٸگٸ اقپاراتىنا سٷيەنسەك, ەنگٸزٸلگەن تاريف اقش-قا قازاقستاننان جەتكٸزٸلەتٸن جالپى ەكسپورت كٶلەمٸنٸڭ نەبەرٸ 4,8%-ىنا ەسەر ەتەدٸ, ال قالعان 95,2%-ى جاڭا كەدەندٸك باجدان تىس قالادى. قازٸر قازاقستان اقش-قا مۇناي, ۋران, كٷمٸس, فەرروقورىتپالار, تانتال, تيتان, بەريلليي جەنە ٶزگە دە ٶنٸم تٷرلەرٸن ەكسپورتتايدى. بۇل ٶنٸمدەردٸڭ باسىم بٶلٸگٸ تاريفسٸز, شەكتەۋسٸز ەكسپورتتالىپ جاتىر.
"جاڭا تاريفتەردٸڭ ىقپالى سارى فوسفور, فەرروسيليتسيي, لينزالار, بيداي گليۋتەنٸ جەنە اممونيي نيتراتى سىندى تاۋارلارعا تيەدٸ", - دەپ جازىلعان حابارلامادا.
كەشە اقش پرەزيدەنتٸ دونالد ترامپ ون شاقتى ەلگە, سونىڭ ٸشٸندە قازاقستانعا قاتىستى باج سالىعىن ەنگٸزۋ تۋرالى جارلىققا قول قويدى.
