اقش پرەزيدەنتٸ دونالد ترامپ ۋكراينا پرەزيدەنتٸ ۆلاديمير زەلەنسكييدٸ رەسەيدٸڭ ديزەل وتىنىن ٶندٸرۋگە جەنە ٶڭدەۋگە قاتىستى ينفراقۇرىلىمىنا سوققى بەرۋدٸ توقتاتۋعا شاقىردى, دەپ حابارلايدى dalanews.kz.
ترامپ بۇل مەلٸمدەمەسٸن يرلاندييادا ٶتٸپ جاتقان Irish Open تۋرنيرٸ كەزٸندە جۋرناليستەرگە ايتقان. ونىڭ سٶزٸنشە, ۋكراينا رەسەيدەگٸ باسقا نىساندارعا سوققى بەرە الادى, بٸراق ديزەل وتىنىن ٶندٸرەتٸن جەنە مۇناي ٶڭدەيتٸن نىساندارعا شابۋىل جاساماۋى كەرەك.
«زەلەنسكيي بٸر نەرسە ٸستەۋٸ كەرەك – رەسەيدەگٸ ديزەل وتىنىن جويۋدى توقتاتۋى تيٸس. باسقا نىساندارعا سوققى بەرسٸن, بٸراق ديزەل وتىنىنا تيمەسٸن. ٶيتكەنٸ بۇل بٷكٸل ەلەمگە زييانىن تيگٸزٸپ جاتىر», – دەدٸ ترامپ.
اقش پرەزيدەنتٸنٸڭ ايتۋىنشا, ۆاشينگتون بۇل مەسەلەنٸ ۋكراينا تاراپىمەن تالقىلاعان. ترامپ رەسەيدٸڭ مۇناي ٶڭدەۋ ينفراقۇرىلىمىنا جاسالعان ۋكراينالىق سوققىلار ەلەمدٸك نارىقتاعى ديزەل وتىنىنىڭ تاپشىلىعىنا ەسەر ەتٸپ وتىرعانىن ايتتى.
ترامپتىڭ مەلٸمدەمەسٸ ەلەمدٸك وتىن نارىعىنداعى جاعداي كٷردەلەنە تٷسكەن كەزەڭدە ايتىلدى. اقش-تا ديزەل وتىنىنىڭ ورتاشا باعاسى العاش رەت گاللونىنا $6-دان استى. Reuters مەلٸمەتٸنشە, ۋكراينا كٷشتەرٸنٸڭ سوڭعى ايلارداعى رەسەي مۇناي ٶڭدەۋ زاۋىتتارىنا جاساعان سوققىلارى ەلدەگٸ جانارماي ٶندٸرٸسٸنٸڭ قىسقارۋىنا جەنە ٸشكٸ نارىقتاعى تاپشىلىققا الىپ كەلگەن.
ۋكراينا تاراپى رەسەيدٸڭ مۇناي ٶڭدەۋ نىساندارىن زاڭدى ەسكەري نىسان دەپ سانايدى. كيەۆتٸڭ ۇستانىمىنشا, رەسەيدٸڭ مۇناي-ەنەرگەتيكا سالاسى ەلدٸڭ ۋكرايناعا قارسى سوعىسىن قارجىلاندىرىپ ەرٸ وتىنمەن قامتاماسىز ەتٸپ وتىر. سونىمەن قاتار رەسەي ەسكەرٸ ۋكراينا ەنەرگەتيكالىق ينفراقۇرىلىمىنا تۇراقتى تٷردە سوققى جاساپ كەلەدٸ.
