قازاقستان رەسپۋبليكاسى سىرتقى ٸستەر مينيسترٸ ەرمەك كٶشەرباەۆ اقش مەملەكەتتٸك حاتشىسىنىڭ وڭتٷستٸك جەنە ورتالىق ازييا ٸستەرٸ جٶنٸندەگٸ كٶمەكشٸسٸ پول كاپۋردى قابىلدادى, دەپ حابارلايدى dalanews.kz.
كەزدەسۋ بارىسىندا تاراپتار ەكٸجاقتى ىنتىماقتاستىقتىڭ ٶزەكتٸ مەسەلەلەرٸن, سونداي-اق قازاقستان مەن اقش اراسىنداعى كەڭەيتٸلگەن ستراتەگييالىق ەرٸپتەستٸكتٸ ودان ەرٸ نىعايتۋدىڭ پەرسپەكتيۆالارىن تالقىلادى.
ە.كٶشەرباەۆ سۇحباتتاسىن قازاقستاندا جٷزەگە اسىرىلىپ جاتقان ساياسي جەنە ەلەۋمەتتٸك-ەكونوميكالىق ٶزگەرٸستەر تۋرالى حاباردار ەتٸپ, ەلدٸڭ دامۋداعى جاڭا كەزەڭگە قادام باسقانىن اتاپ ٶتتٸ. وسىعان بايلانىستى 23 تامىزدا ٶتەتٸن قۇرىلتاي سايلاۋى جاڭا كونستيتۋتسييالىق مودەلدٸ ٸس جٷزٸندە ٸسكە اسىرۋداعى ماڭىزدى كەزەڭ بولاتىنى اتالىپ ٶتتٸ.
ٶز كەزەگٸندە, امەريكالىق تاراپ ىنتىماقتاستىقتى ودان ەرٸ نىعايتۋعا مٷددەلٸلٸگٸن راستادى جەنە ەنەرگەتيكا, ماڭىزدى مينەرالدار, وزىق تەحنولوگييالار, تسيفرلاندىرۋ, كٶلٸك جەنە ينۆەستيتسييالار سالالارىنداعى پراكتيكالىق ٶزارا ٸس-قيمىلدى كەڭەيتۋ ٷشٸن ەلەۋلٸ ەلەۋەت بار ەكەنٸن اتاپ ٶتتٸ.
سۋ رەسۋرستارىن باسقارۋدىڭ جاھاندىق ارحيتەكتۋراسىن نىعايتۋ جٶنٸندەگٸ قازاقستاننىڭ باستاماسىنا, ونىڭ ٸشٸندە قازاقستان رەسپۋبليكاسى پرەزيدەنتٸ قاسىم-جومارت توقاەۆتىڭ بۇۇ-نىڭ مامانداندىرىلعان مەكەمەسٸ رەتٸندە حالىقارالىق سۋ ۇيىمىن قۇرۋ تۋرالى باستاماسىنا ەرەكشە نازار اۋدارىلدى.
كەزدەسۋ بارىسىندا سونداي-اق 2026 جىلعى جەلتوقساندا مايامي قالاسىندا ٶتەتٸن «G20» سامميتٸنە دايىندىق مەسەلەلەرٸ جٶنٸندە پٸكٸر الماسىلدى. سامميتكە مەملەكەت باسشىسى اقش پرەزيدەنتٸ دونالد ترامپتىڭ شاقىرۋىمەن قاتىسادى. وسىعان بايلانىستى تاراپتار جوعارى دەڭگەيدەگٸ كٷن تەرتٸبٸن مازمۇندى تٷردە قالىپتاستىرۋ ماقساتىندا ودان ەرٸ ٶزارا ٸس-قيمىل جاساۋعا دايىن ەكەندەرٸن بٸلدٸردٸ.
