9 قاڭتاردا اقش جوعارعى سوتى دونالد ترامپ ەنگٸزگەن تاريفتەرگە قاتىستى شەشٸمٸن جارييالايدى. بۇل شەشٸم جاھاندىق قارجى نارىقتارىنا ايتارلىقتاي ەسەر ەتۋٸ مٷمكٸن, دەپ حابارلايدى Dalanews.kz.
ەڭگٸمە ترامپتىڭ IEEPA زاڭى نەگٸزٸندە ەنگٸزگەن كەدەندٸك باجدارى تۋرالى. اتالعان زاڭ پرەزيدەنتكە تەك تٶتەنشە جاعداي كەزٸندە ەكونوميكالىق شارالار قولدانۋعا مٷمكٸندٸك بەرەدٸ. الايدا ول قاراپايىم ساۋدا تاريفتەرٸن بٸرجاقتى تەرتٸپپەن ەنگٸزۋگە قۇقىق بەرمەيدٸ.
5 قاڭتاردا ٶتكەن اۋىزشا تىڭداۋلار بارىسىندا سۋديالار ترامپ ەكٸمشٸلٸگٸنٸڭ ۇستانىمىن قاتاڭ سىنعا العان. بۇل تاريفتەر زاڭسىز دەپ تانىلۋى مٷمكٸن دەگەن بولجامدى كٷشەيتتٸ.
ەگەر سوت باجداردى زاڭسىز دەپ تانىسا, كومپانييالاردان جينالعان تٶلەمدەردٸ قايتارۋ مەسەلەسٸ كٶتەرٸلەدٸ. ترامپتىڭ ٶزٸ تاريفتەر ارقىلى بيۋدجەتكە شامامەن 650 ملرد دوللار تٷسكەنٸن مەلٸمدەگەن. بۇل قاراجات كەرٸ قايتارىلسا, اقش قازىناسىندا ٸرٸ تاپشىلىق پايدا بولۋى مٷمكٸن.
ساراپشىلاردىڭ پٸكٸرٸنشە, مۇنداي ستسەناريي قارجى مينيسترلٸگٸنٸڭ وبليگاتسييالارىنان كاپيتالدىڭ كەتۋٸن جەدەلدەتٸپ, سونىڭ ارتىنان اكتسييالار نارىعى مەن كريپتوۆاليۋتالارعا قىسىم تٷسٸرۋٸ ىقتيمال. سوت شەشٸمٸ جىل باسىنداعى ەڭ ماڭىزدى ەكونوميكالىق وقيعالاردىڭ بٸرٸنە اينالۋى مٷمكٸن.
