9 qańtarda AQSh Joǵarǵy soty Donald Tramp engizgen tarifterge qatysty sheshimin jariialaidy. Bul sheshim jahandyq qarjy naryqtaryna aitarlyqtai áser etýi múmkin, dep habarlaidy Dalanews.kz.
Áńgime Tramptyń IEEPA zańy negizinde engizgen kedendik bajdary týraly. Atalǵan zań prezidentke tek tótenshe jaǵdai kezinde ekonomikalyq sharalar qoldanýǵa múmkindik beredi. Alaida ol qarapaiym saýda tarifterin birjaqty tártippen engizýge quqyq bermeidi.
5 qańtarda ótken aýyzsha tyńdaýlar barysynda sýdialar Tramp ákimshiliginiń ustanymyn qatań synǵa alǵan. Bul tarifter zańsyz dep tanylýy múmkin degen boljamdy kúsheitti.
Eger sot bajdardy zańsyz dep tanysa, kompaniialardan jinalǵan tólemderdi qaitarý máselesi kóteriledi. Tramptyń ózi tarifter arqyly biýdjetke shamamen 650 mlrd dollar túskenin málimdegen. Bul qarajat keri qaitarylsa, AQSh qazynasynda iri tapshylyq paida bolýy múmkin.
Sarapshylardyń pikirinshe, mundai stsenarii Qarjy ministrliginiń obligatsiialarynan kapitaldyń ketýin jedeldetip, sonyń artynan aktsiialar naryǵy men kriptovaliýtalarǵa qysym túsirýi yqtimal. Sot sheshimi jyl basyndaǵy eń mańyzdy ekonomikalyq oqiǵalardyń birine ainalýy múmkin.
