اقش پرەزيدەنتى دونالد ترامپ Truth Social الەۋمەتتىك جەلىسىندە ءوزىن ۆەنەسۋەلا پرەزيدەنتىنىڭ مىندەتىن اتقارۋشى رەتىندە كورسەتكەن جازبا جاريالادى، دەپ حابارلايدى Dalanews.kz.
وندا دونالد ترامپ 2026 جىلعى قاڭتاردان باستاپ ۆەنەسۋەلا پرەزيدەنتىنىڭ مىندەتىن اتقاراتىنى كورسەتىلگەن. سونىمەن قاتار، ول اقش پرەزيدەنتى رەتىندەگى قىزمەتىن دە ساقتاپ قالعانى جازىلعان.
ەسكە سالايىق، بۇعان دەيىن اقش پرەزيدەنتى دونالد ترامپ ۆەنەسۋەلا پرەزيدەنتى نيكولاس مادۋرو ۇستالعانىن مالىمدەگەن بولاتىن.
دونالد ترامپتىڭ ايتۋىنشا، اقش ۆەنەسۋەلاعا جانە ەل باسشىسى نيكولاس مادۋروعا قارسى اۋقىمدى وپەراسيا جۇرگىزگەن. ونىڭ سوزىنشە، نيكولاس مادۋرو جۇبايىمەن بىرگە ۇستالىپ، ەلدەن ەۆاكۋاسيالانعان. وپەراسيا اقش-تىڭ قۇقىق قورعاۋ ورگاندارىمەن بىرلەسىپ اتقارىلعان.
