قۇنى 5 ميلليون دوللار بولاتىن اقش-تا تۇرۋعا رۇقسات بەرەتٸن كارتاعا ٶتٸنٸش قالدىراتىن سايت ٸسكە قوسىلدى. ول "ترامپ كارتاسى" دەپ اتالادى. ونىڭ ٸسكە قوسىلعانىن اقش پرەزيدەنتٸ دونالد ترامپتىڭ ٶزٸ مەلٸمدەدٸ, دەپ حابارلايدى Dalanews.kz.
TrumpCard.gov سايتىنا اقش-تا تۇراقتى تۇرۋعا رۇقسات جەنە ودان ەرٸ ازاماتتىق العىسى كەلەتٸن ەلەۋەتتٸ توپ ٶتٸنٸش قالدىرا الادى. پورتالدا پايدالانۋشىلارعا اتى-جٶنٸن, تۇرعىلىقتى جەرٸن جەنە ەلەكتروندى پوشتاسىن قالدىرۋ, سونداي-اق ٶتٸنٸشتٸ جەكە تۇلعا رەتٸندە مە ەلدە كومپانييا اتىنان بەرٸپ جاتىر ما, سونى دا كٶرسەتۋ ۇسىنىلادى.
"مۇندا تٸركەلگەندەر تەك بٸرٸنشٸ كەزەڭدەگٸلەر. ەيتپەسە, مىڭداعان ادام حابارلاسىپ, قالاي تٸركەلۋگە بولاتىندىعىن ەلٸ سۇراپ-بٸلٸپ جاتىر", دەپ جازدى اقش پرەزيدەنتٸ ەلەۋمەتتٸك جەلٸدەگٸ پاراقشاسىندا.
ۆيزالار ەلٸ قولجەتٸمدٸ ەمەس, بٸراق ونى العىسى كەلەتٸندەر ٶزٸ تۋرالى اقپاراتتى ٸسكە قوسىلعان سايتتا قالدىرا الادى, دەپ تٷسٸندٸرەدٸ Fox تەلەارناسى.
وسىعان ۇقساس EB-5 باعدارلاماسى اقش ەكونوميكاسىنا 800 مىڭ دوللاردان باستاپ ينۆەستيتسييا سالۋشى شەتەلدٸك ازاماتتار ٷشٸن بۇرىننان قاراستىرىلعان. الايدا, زاڭسىز يمميگراتسيياعا قارسى كٷرەسۋشٸ دونالد ترامپ ەكٸمشٸلٸگٸ بۇل باعدارلاما تىم كٶپ بىلىق-شىلىققا بوي الدىرعان جەنە ونى "ترامپ كارتاسىمەن" اۋىستىرۋ كەرەك دەپ سانايدى.
"باي ادامدار بۇل كارتانى ساتىپ الىپ, ەلٸمٸزگە كەلە الادى. ولار كٶپتەگەن ادامدى جۇمىسقا الىپ, كٶپ اقشا جۇمسايتىن, كٶپ سالىق تٶلەيتٸن باي, تابىستى ادامدار بولادى", — دەدٸ امەريكا پرەزيدەنتٸ 2025 جىلدىڭ اقپانىندا. ونىڭ ايتۋىنشا, اقش ميلليونعا جۋىق نەمەسە ودان دا كٶپ وسىنداي كارتالاردى ساتۋدان پايدا تابا الادى.
اقش ساۋدا مينيسترٸ گوۆارد ليۋتنيكتٸڭ ايتۋىنشا, "التىن كارتالار" اقش-تىڭ 36 ترلن دوللاردان اساتىن فەدەرالدى قارىزىن ٶتەۋدە سەپ بولا الادى.
"ەگەر 200 مىڭ ادام كارتا السا, بۇل - تريلليون دوللار. بۇل بەرٸن ٶتەپ, اقتايدى", - دەدٸ ول.
2025 جىلدىڭ سەۋٸرٸندە دونالد ترامپ Air Force One پرەزيدەنتتٸك ۇشاعىنىڭ بورتىندا جۋرناليستەرگە ٶزٸنٸڭ بەينەسٸ سالىنعان سٶز ەتٸلگەن كارتانىڭ ٷلگٸسٸن كٶرسەتكەن بولاتىن.
