اقش پرەزيدەنتٸ دونالد ترامپ يراندا بيلٸك تولىق ٶزگەرۋٸ كەرەك ەكەنٸن ايتتى. ونىڭ سٶزٸنشە, ۆاشينگتوندا ەلدٸ باسقارا الاتىن بٸرنەشە ٷمٸتكەر بار, دەپ حابارلايدى Dalanews.kz.
NBC News ارناسىنا بەرگەن سۇحباتىندا دونالد ترامپ اقش يراندا جاعدايدى رەتتەپ, ەلدە تيٸمدٸ باسشىلىق بولعانىن قالايتىنىن جەتكٸزدٸ.
"بٸز بارىپ, بەرٸن رەتكە كەلتٸرگٸمٸز كەلەدٸ. ول ەلدە جاقسى باسشى بولعانىن قالايمىز. مەنٸڭ ويىمشا, بٸزدە بۇل جۇمىستى اتقارا الاتىن بٸرنەشە ادام بار", - دەدٸ ول.
الايدا دونالد ترامپ ناقتى قاي ادامدار تۋرالى ايتىپ وتىرعانىن اتامادى.
ەسكە سالايىق, اقش پرەزيدەنتٸ دونالد ترامپ The New York Times باسىلىمىنا بەرگەن سۇحباتىندا قاجەت بولعان جاعدايدا امەريكالىق ەسكەر يرانعا جاسالاتىن شابۋىلدى تٶرت-بەس اپتا بويى جالعاستىرا الاتىنىن ايتتى.
