11 قازاننان باستاپ ەلٸمٸزدە تابيعي تٶتەنشە جاعدايلاردان زارداپ شەككەن شاعىن جەنە ورتا بيزنەس ٶكٸلدەرٸنٸڭ مٷلٸكتٸك شىعىندارىن ٶتەۋدٸڭ جاڭا ەرەجەلەرٸ قولدانىسقا ەنگٸزٸلەدٸ. بۇل تۋرالى قر ۇلتتىق ەكونوميكا مينيسترلٸگٸ مەلٸمدەدٸ, دەپ حابارلايدى Dalanews.kz.
مينيستر 26 قىركٷيەكتە تيٸستٸ بۇيرىققا قول قويعان.
مينيسترلٸكتٸڭ دەرەگٸنشە, قۇجاتتا ٶڭٸرلٸك كوميسسييالاردىڭ جۇمىسى ناقتى رەگلامەنتتەلگەن. اتاپ ايتقاندا, ولار زارداپ شەككەن كەسٸپكەرلەردٸ ەسەپكە الادى, ٶتٸنٸشتەردٸ قابىلدايدى, تٶلەم سوماسىن بەلگٸلەيدٸ جەنە تٸزٸمدەر جاسايدى. داۋلى جاعدايلاردا ٸس قوسىمشا ساراپتاماعا جٸبەرٸلەدٸ.
كوميسسييالار عيماراتتار, اۆتوكٶلٸك, جابدىقتار, قويماداعى تاۋارلار مەن ماتەريالدار شىعىندارىن, سونداي-اق قالپىنا كەلتٸرۋ جۇمىستارىنا كەتكەن شىعىنداردى ٶتەيدٸ. ەگەر مٷلٸك ساقتاندىرىلعان بولسا, ٶتەماقى قاراستىرىلمايدى.
10 ملن تەڭگەگە دەيٸنگٸ شىعىندار (تاۋارلار مەن ماتەريالدار بويىنشا) – مەملەكەتتٸك كٸرٸستەر ورگاندارىنىڭ دەرەكتەرٸنە سٷيەنە وتىرىپ, كەسٸپكەردٸڭ ورتاشا ايلىق اينالىمى نەمەسە كٸرٸسٸ نەگٸزٸندە ەسەپتەلەدٸ. ەگەر كەسٸپكەر ۇسىنىلعان سوماعا كەلٸسپەسە, ول شەشٸمدٸ سوت-بۋحگالتەرلٸك نەمەسە تاۋارلىق ساراپتاما ارقىلى داۋلاۋعا قۇقىلى.
10 ملن تەڭگەدەن اساتىن شىعىندار, سونداي-اق جىلجىمايتىن مٷلٸك پەن جابدىق بويىنشا تٶلەمدەر – باعالاۋ ەسەپتەرٸ, اقاۋ اكتٸلەرٸ جەنە جوبالىق-سمەتالىق قۇجاتتامالار نەگٸزٸندە انىقتالادى.
كەسٸپكەرلەر تٶتەنشە جاعداي جارييالانعان كٷننەن باستاپ 180 كٷن ٸشٸندە ٶتٸنٸش بەرە الادى. وسىدان كەيٸن اكيماتتار بەس جۇمىس كٷنٸ ٸشٸندە زارداپ شەككەندەردٸڭ تٸزٸمٸن جاساپ, وندا مٷلٸك يەلەرٸ, ٶتەماقى سوماسى, قارجىلاندىرۋ كٶزدەرٸ جەنە بيزنەس ساناتى كٶرسەتٸلەدٸ.
