كوكشەتاۋداعى رەزيدەنسيا بالالارعا بەرىلەدى، - دەپ حابارلايدى Dalanews.kz.
بۇل تۋرالى اقمولا وبلىسىنىڭ اكىمى مارات احمەتجانوۆ بريفينگ بارىسىندا ايتتى. ياعني "بالىقشىلار ءۇيى" "شاحمات ۇيىنە" اينالادى.
رەزيدەنسيا قالا ورتالىعىندا ورنالاسقان. ول 2019 جىلى قازاقستان مەن رەسەي اراسىنداعى ايماقارالىق ىنتىماقتاستىق فورۋمى ءۇشىن ساتىپ الىنعان.
ءبىراق كوروناۆيرۋس پاندەمياسىنا بايلانىستى بۇل شارا وتپەي قالعان. ال كوتتەدج اكىم ىستەرى ءبولىمىنىڭ بالانسىندا قالىپ قويعان.
رەزيدەنسياعا ءتورت جىلداي حالىق قارجىسى ەسەبىنەن قىزمەت كورسەتىلگەن. 5 اقپاندا وتكەن باسپا ءسوز وتىرىسى بارىسىندا مارات احمەتجانوۆ كوتتەدجدىڭ تاعدىرىنا قاتىستى سۇراققا جاۋاپ بەردى.
"ونى ءبىلىم باسقارماسىنىڭ بالانسىنا بەرۋ تۋرالى شەشىم قابىلداندى. بۇل "وبلىستىق شاحمات ءۇيى" بولۋى ابدەن مۇمكىن. مەملەكەت باسشىسى ءتيىستى تاپسىرما بەردى"، - دەپ جاۋاپ بەردى مارات احمەتجانوۆ.
