Kókshetaýdaǵy rezidentsiia balalarǵa beriledi, - dep habarlaidy Dalanews.kz.
Bul týraly Aqmola oblysynyń ákimi Marat Ahmetjanov brifing barysynda aitty. Iaǵni "Balyqshylar úii" "Shahmat úiine" ainalady.
Rezidentsiia qala ortalyǵynda ornalasqan. Ol 2019 jyly Qazaqstan men Resei arasyndaǵy aimaqaralyq yntymaqtastyq forýmy úshin satyp alynǵan.
Biraq koronavirýs pandemiiasyna bailanysty bul shara ótpei qalǵan. Al kottedj ákim isteri bóliminiń balansynda qalyp qoiǵan.
Rezidentsiiaǵa tórt jyldai halyq qarjysy esebinen qyzmet kórsetilgen. 5 aqpanda ótken baspasóz otyrysy barysynda Marat Ahmetjanov kottedjdiń taǵdyryna qatysty suraqqa jaýap berdi.
"Ony bilim basqarmasynyń balansyna berý týraly sheshim qabyldandy. Bul "Oblystyq shahmat úii" bolýy ábden múmkin. Memleket basshysy tiisti tapsyrma berdi", - dep jaýap berdi Marat Ahmetjanov.
