اتىراۋ وبلىسىندا بٸر وتباسىنىڭ تٶرت مٷشەسٸن ٶلتٸردٸ دەپ ايىپتالعان سۇلتان سەرسەمەليەۆكە قاتىستى سوتتا تاراپتاردىڭ جارىسسٶزٸ باستالدى. مەملەكەتتٸك ايىپتاۋشى سوتتان ونى كٸنەلٸ دەپ تانىپ, ٶمٸر بويىنا باس بوستاندىعىنان ايىرۋدى سۇرادى, دەپ حابارلايدى dalanews.kz.
رەزونانس تۋدىرعان قىلمىستىق ٸس اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالىپ جاتىر. سەرسەمەليەۆ بۇرىنعى جۇبايى اقبايان مۇقانعاليەۆانىڭ ەكەسٸ مەن اناسىن, اعاسى مەن قارىنداسىن ٶلتٸردٸ دەپ ايىپتالۋدا. قايعىلى وقيعا 2025 جىلدىڭ سوڭىندا جانگەلدين اۋىلىندا بولعان.
سوت جارىسسٶزٸ بارىسىندا پروكۋرور ايىپتالۋشىنى قىلمىستىق كودەكستٸڭ بٸرنەشە بابى بويىنشا كٸنەلٸ دەپ تانىپ, جازاسىن تٶتەنشە قاۋٸپسٸزدٸك مەكەمەسٸندە ٶتەۋدٸ ۇسىندى.
"قىلمىستىق كودەكستٸڭ 58-بابىنىڭ 4-بٶلٸگٸ نەگٸزٸندە سەرسەمەليەۆ سۇلتان ساميگوللاۇلىنا تٷپكٸلٸكتٸ جازا رەتٸندە ٶمٸر بويىنا باس بوستاندىعىنان ايىرۋ جازاسىن تاعايىنداۋدى سۇرايمىن", – دەدٸ مەملەكەتتٸك ايىپتاۋشى.
سەرسەمەليەۆكە ەكٸ نەمەسە ودان دا كٶپ ادامدى ٶلتٸرۋ, دەرمەنسٸز كٷيدەگٸ ادامدى ٶلتٸرۋ, اسا قاتىگەزدٸكپەن جەنە پايداكٷنەمدٸك ماقساتپەن كٸسٸ ٶلتٸرۋ, سونداي-اق قاراقشىلىقپەن نەمەسە قورقىتىپ الۋمەن ۇشتاسقان قىلمىس جاساۋ ايىپتارى تاعىلعان.
بۇعان قوسا, ول ٸرٸ كٶلەمدە ۇرلىق پەن الاياقتىق جاساۋ, مال ۇرلاۋ جەنە قۇجاتتاردى زاڭسىز يەلەنۋ, جاسىرۋ, جويۋ نەمەسە بٷلدٸرۋ باپتارى بويىنشا دا جاۋاپقا تارتىلىپ جاتىر.
پروكۋرور سوتتان ايىپتالۋشىدان جەبٸرلەنۋشٸلەرگە ٶتەماقى قورىنا 30 ايلىق ەسەپتٸك كٶرسەتكٸش, ياعني 129 750 تەڭگە ٶندٸرۋدٸ سۇرادى. سونداي-اق 2 512 128 تەڭگە كٶلەمٸندەگٸ پروتسەستٸك شىعىندى ٶتەتٸپ, قاماۋدا ۇستاۋ تٷرٸندەگٸ بۇلتارتپاۋ شاراسىن ٶزگەرٸسسٸز قالدىرۋدى ۇسىندى.
مەملەكەتتٸك ايىپتاۋشى جەبٸرلەنۋشٸ تاراپتىڭ ماتەريالدىق جەنە مورالدىق زالالدى ٶتەۋ تۋرالى ازاماتتىق تالاپتارىن دا قاناعاتتاندىرۋدى سۇرادى.
ال سۇلتان سەرسەمەليەۆ ناۋرىز مۇقانعاليەۆتٸ قاساقانا ٶلتٸردٸ دەگەن ايىپتى مويىندامايتىنىن مەلٸمدەگەن.
تاراپتاردىڭ جارىسسٶزٸ اياقتالعاننان كەيٸن سوتتالۋشىعا سوڭعى سٶز بەرٸلەدٸ. بۇدان سوڭ سوت ٷكٸم شىعارۋ ٷشٸن كەڭەسۋ بٶلمەسٸنە كەتەدٸ.
