مۇراتحان توقمەدي تەك شارتتى تٷردە مەرزٸمٸنەن بۇرىن بوساۋعا (ول تاپسىرىسپەن جاسالعان كٸسٸ ٶلتٸرگەنٸ ٷشٸن جازاسىن ٶتەپ جاتىر) تىرىسىپ قانا قويماي, سونىمەن قاتار, تٷرمەدەن Oi-Qaragai تاۋ كۋرورتى جەرلەرٸن رەيدەرلٸك جولمەن باسىپ الۋعا باسشىلىق جاساپ جاتقان بولۋى مٷمكٸن. بۇل تۋرالى "الدار كٶسە" تەلەگرام ارناسى جازدى, دەپ حابارلايدى Dalanews.kz.
Oi-Qaragai زاڭگەرٸ سۆەتلانا پان بيىل قاڭتار ايىندا: "توقمادي وتباسى «ونىڭ باسشىلىعىمەن» جاڭا تۋريستٸك ايماقتىڭ قۇرىلىسىن توقتاتىپ, 25 سوتىق جەر تەلٸمٸن داۋلاپ جاتىر" دەپ مەلٸمدەمە جاسادى.
بۇرىن بۇل جەر مەملەكەتكە تيەسٸلٸ بولعان, كەيٸن Oi-Qaragai ينۆەستيتسييالىق كەلٸسٸم جاساسىپ, ونى بەس جىلعا جالعا العان. پاننىڭ ايتۋىنشا, وقيعا بىلاي ٶربٸگەن:
– جەردٸڭ شەكاراسىن انىقتاۋ كەزٸندە بٸزدٸڭ جالعا الىنعان تەلٸمٸمٸزدە قۇرىلىستار – شاعىن قورا مەن ٷي بار ەكەنٸ انىقتالدى. يەسٸ - ەلەۋقايشا توحماديەۆا ەكەنٸ انىقتالىپ, كەلٸسسٶزدەر جٷرگٸزٸلدٸ. توحماديەۆا بٸزدٸڭ دەلەلدەرٸمٸزبەن كەلٸستٸ, بٸز ولاردىڭ قۇرىلىسىن بۇزبايتىن جەنە بٸزگە كەدەرگٸ كەلتٸرمەيتٸن ايىرباس نۇسقالارىن قاراستىرماق بولدىق. يەسٸ بٸر ايعا كٸدٸرٸس الىپ, قايتا ورالعاندا, «بۇل جەر وعان تيەسٸلٸ» ەكەنٸن ايتتى. دەلەل رەتٸندە ول مٷلدە قاتىسى جوق ٷش باسقا تەلٸمنٸڭ قۇجاتتارىن ۇسىندى.
پاننىڭ ايتۋىنشا, ەلەۋقايشا توحماديەۆا – مۇراتحان توقمەديدٸڭ ەپكەسٸ, ال توقمەدي وتباسى Oi-Qaragai-دى سوتقا بەرٸپ, مەملەكەتپەن جاسالعان جالداۋ شارتىن جارامسىز دەپ تانۋدى تالاپ ەتۋدە. باستاپقىدا تالعار اۋداندىق سوتى قۇرىلىس جۇمىستارىن توقتاتۋ تۋرالى شەشٸم شىعاردى, بٸراق Oi-Qaragai جوعارى سوتقا اپەللياتسييالىق شاعىم تٷسٸرٸپ, ول قابىلداندى. قۇرىلىس جالعاسىپ جاتقانىمەن, جانجالدىڭ نٷكتەسٸ قويىلارىنىڭ اۋىلى الىس.
ەندٸ كۋرورت زاڭگەرٸ قوعامنىڭ نازارىن قىزىق جايتقا اۋداردى: كەلٸسسٶزدەر كەزٸندە توقمەديدٸڭ ەيەلٸ مەن ەپكەسٸ «مۇنى كٷيەۋٸممەن اقىلداسۋىم كەرەك» نەمەسە «اعاممەن اقىلداسۋ كەرەك» دەپ شىققان.
– تالاپ-ارىزعا قوسا بەرٸلگەن جەر تەلٸمٸ توقمەديدٸڭ ەپكەسٸنە رەسٸمدەلگەن. بٸزبەن كٶرشٸلەس جەر تەلٸمٸ ونىڭ اعاسىنا تٸركەلگەن. بٸزدٸڭ ويىمىزشا, جازاسىن ٶتەپ جاتقان ادامنىڭ باسشىلىعىمەن ۇيىمداسقان توپتىڭ ەرەكەتٸ انىق كٶرٸنٸپ تۇر, – دەدٸ زاڭگەر.
