مەملەكەت باسشىسىنىڭ باستامالارىن قولداۋدىڭ جانە بۇكىلحالىقتىق داۋىس بەرۋ كۇنى جاقىنداعان سايىن رەفەرەندۋمنىڭ ەل ومىرىندەگى ماڭىزدىلىعىن ءتۇسىنۋدىڭ ارتقانىن كورسەتتى.
ماسەلەن، الەۋمەتتىك ساۋالناما ناتيجەلەرى بويىنشا قازاقستاندىقتاردىڭ 83،92%-ى مەملەكەت باسشىسىنىڭ كونستيتۋسياعا تۇزەتۋلەر ەنگىزۋ بويىنشا رەفەرەندۋم وتكىزۋ تۋرالى ۇسىنىسىن قولدايدى.
بۇل بيىل مامىر ايىنىڭ ورتاسىندا وكق جۇرگىزگەن الدىڭعى زەرتتەۋ كورسەتكىشتەرىنەن 12%-عا ارتىق.
ساۋالناماعا قاتىسقان قازاقستاندىقتاردىڭ 86،86%-ى داۋىس بەرۋ اعىمداعى جىلدىڭ 5 ماۋسىمىندا وتەتىنىن بىلەدى. حالىقتىڭ حاباردار بولۋ دەڭگەيى 8%-عا ارتقان.
قازاقستاندىقتاردىڭ 76،51%-ى داۋىس بەرۋگە قاتىسۋعا نيەتتى.
ساۋالناما كورسەتكەندەي، قازاقستاندىقتاردىڭ 79،10%-ى ۇسىنىلعان كونستيتۋسيالىق تۇزەتۋلەر پاكەتىن قولدايدى. مەملەكەت باسشىسىنىڭ ساياسي باعىتىن قولداۋ دەڭگەيى ودان دا جوعارى – 80،04%-ى پرەزيدەنت ق.ك. توقايەۆتىڭ رەفورمالارىن جاقتايدى.
الەۋمەتتىك ساۋالناما ەلىمىزدىڭ 17 ءوڭىرىن قامتي وتىرىپ، 18 جاستاعى جانە ودان اسقان 1200 قازاقستاندىقتىڭ اراسىندا جۇرگىزىلدى.
ەسكە سالا كەتەيىك، بۇدان بۇرىن رەفەرەندۋم وتكىزۋ تۋرالى يدەيانى قولداۋدىڭ جوعارى دەڭگەيى ق ر پرەزيدەنتى جانىنداعى ورتالىق كوممۋنيكاسيالار قىزمەتى جۇرگىزگەن ساۋالناما ناتيجەلەرىمەن راستالعان بولاتىن - 73% (3-5 مامىر)؛ 72،01% (17-19 مامىر).
