قالا اكىمىنىڭ ءبىرىنشى ورىنباسارى شىڭعىس مۇقاننىڭ ايتۋىنشا، قۇتتىقتاۋ حاتى مەن گۇل شوقتارى 10 مىڭ مەتر بيىكتە تاپسىرىلدى. پرەزيدەنتتىڭ اتىنان ءتورت حات كەلگەن. قالا اكىمى مۇرات ايتەنوۆ پرەزيدەنتتىڭ 8 ناۋرىزعا ارنايى حاتىن تاپسىردى.
اۋەزوۆ ۋنيۆەرسيتەتىنىڭ رەكتورى، ۇلاعاتتى ۇستاز داريا پەرنەش قىزى مەن وليمپيادا جەڭىمپازى، ۇلت ماقتانىشى ءاليا ءجۇسىپوۆا شىمكەنتتە بولماي شىققان. الايدا رەكتور داريا پەرنەش قىزى الماتىعا ۇشىپ بارا جاتقانىن حابارلاعان.
اكىمدىك قىزمەتكەرلەرى قاي ۇشاق ەكەنىن بىلگەن. ءدال سول ۇشاقپەن الماتىعا ءبىر جينالىسقا ىشكى ساياسات جانە جاستار ءىسى جونىندەگى باسقارما باسشىسى ءمادي ماناتبەك ۇشىپ بارا جاتقان.
وسىلايشا ءمادي ماناتبەك شىمكەنت-الماتى ۇشاعىندا 10 مىڭ مەتر بيىكتىكتە بۇكىل سالونعا حابارلاپ، پرەزيدەنتتىڭ قۇتتىقتاۋى مەن قالا اكىمىنىڭ اتىنان شىمكەنتتىڭ سيمۆولى - ءبىر شوق قىزعالداق گۇلىن تابىس ەتتى.
