Qala ákiminiń birinshi orynbasary Shyńǵys Muqannyń aitýynsha, quttyqtaý haty men gúl shoqtary 10 myń metr biikte tapsyryldy. Prezidenttiń atynan tórt hat kelgen. Qala ákimi Murat Áitenov Prezidenttiń 8 naýryzǵa arnaiy hatyn tapsyrdy.
Áýezov ýniversitetiniń rektory, ulaǵatty ustaz Dariia Perneshqyzy men olimpiada jeńimpazy, ult maqtanyshy Áliia Júsipova Shymkentte bolmai shyqqan. Alaida rektor Dariia Perneshqyzy Almatyǵa ushyp bara jatqanyn habarlaǵan.
Ákimdik qyzmetkerleri qai ushaq ekenin bilgen. Dál sol ushaqpen Almatyǵa bir jinalysqa Ishki saiasat jáne jastar isi jónindegi basqarma basshysy Mádi Manatbek ushyp bara jatqan.
Osylaisha Mádi Manatbek Shymkent-Almaty ushaǵynda 10 myń metr biiktikte búkil salonǵa habarlap, Prezidenttiń quttyqtaýy men qala ákiminiń atynan Shymkenttiń simvoly - bir shoq qyzǵaldaq gúlin tabys etti.
